అక్షరటుడే, ఇందూరు: Rotary Club of Gems | రక్తదానం ప్రాణదానంతో సమానమని రోటరీ క్లబ్​ ఆఫ్​ జెమ్స్​ అధ్యక్షుడు పద్మ శ్రీనివాస్​ అన్నారు. గురువారం రోటరీ క్లబ్​ ఆఫ్​ జెమ్స్​ ఆధ్వర్యంలో రెడ్​క్రాస్​ సొసైటీలో(Red Cross Society) రక్తదాన శిబిరం నిర్వహించారు. ఈ సందర్భంగా 17 మంది సభ్యులు రక్తదానం చేశారు. అనంతరం పద్మ శ్రీనివాస్​ మాట్లాడుతూ.. ప్రతిఒక్కరూ స్వచ్ఛందంగా రక్తదానానికి (Blood donation) ముందుకు రావాలని సూచించారు. క్లబ్​ సభ్యుడు కోటగిరి చంద్రశేఖర్​ వందసార్లు రక్తదానం చేయడం అభినందనీయమన్నారు. కార్యక్రమంలో క్లబ్​ సభ్యులు గౌరీశంకర్​, సూర్యప్రకాశ్​, వీరబ్రహ్మం, రమేష్, డాక్టర్​ వినోద్ పవార్, చంద్రశేఖర్, శ్రీనివాస్, రాజశేఖర్, నేతి శేఖర్, రాంప్రసాద్ పాల్గొన్నారు.