అక్షరటుడే, వెబ్​డెస్క్​:PM Modi | ప్రధాన మంత్రి నరేంద్ర మోదీ విదేశీ పర్యటనలో భాగంగా రెండు రోజులు సైప్రస్(Cyprus)​ వెళ్లిన విషయం తెలిసిందే. మోదీకి ఆ దేశ అధ్యక్షుడు నికోస్ క్రిస్టోడౌలైడ్స్(President Nikos Christodoulides) ఘన స్వాగతం పలికారు. రెండు రోజుల పాటు ఆయన అక్కడ పర్యటించి కెనడాలో జరుగుతున్న జీ–7 సదస్సులో పాల్గొనడానికి బయలు దేరారు. అయితే 23 ఏళ్ల తర్వాత భారత ప్రధాని సైప్రస్​లో పర్యటించడం గమనార్హం.

ప్రధాని మోదీ(Prime Minister Modi) తన పర్యటన సందర్భంగా సైప్రస్ ప్రథమ మహిళ ఫిలిప్పా కర్సెరాకు వెండి క్లచ్ పర్స్‌ను బహుమతిగా ఇచ్చారు. దీనిని ఆంధ్ర ప్రదేశ్(Andhra Pradesh)​లో తయారు చేయడం గమనార్హం. రిపౌస్ టెక్నిక్ ఉపయోగించి వెండితో దీనిని తయారు చేశారు. ఈ పర్సు మధ్యలో ఒక విలువైన రాయి కూడా ఏర్పాటు చస్త్రవారు. అలాగే మోదీ సైప్రస్ అధ్యక్షుడు నికోస్​కు కాశ్మీరీ సిల్క్ కార్పెట్‌(President Nikos Kashmiri silk carpet)ను బహుమతిగా ఇచ్చారు. ఇది చూడటానికి ఎంతో ప్రత్యేకంగా ఉంటుంది. చూసే కోణం, వెలుతురును బట్టి వివిధ రంగుల్లో కనిపించడం ఈ కార్పెట్​ ప్రత్యేకత.

PM Modi | అత్యున్నత పురస్కారంతో సత్కరించిన సైప్రస్​

తమ దేశంలో పర్యటించిన ప్రధాని మోదీని సైప్రస్​ ప్రభుత్వం(Cyprus Government) ఆ దేశ అత్యున్నత పురస్కారంతో సత్కరించిన విషయం తెలిసిందే. సైప్రస్ అధ్యక్షుడు నికోస్ క్రిస్టోడౌలిడెస్ చేతుల మీదుగా మోదీ ఈ పురస్కారం అందుకున్నారు. ఈ పురస్కారం అందుకున్న మోదీ.. ఇది రెండు దేశాల చిహ్నానికి ప్రతీక అని పేర్కొన్నారు. ఆయన సైప్రస్​ పర్యటన ముగించుకొని జీ–7 సదస్సులో పాల్గొనడానికి కెనడా వెళ్లారు.