అక్షరటుడే, వెబ్​డెస్క్: New Voter Card | ఎన్నికల సంఘం ఓటరు కార్డుల జారీ ప్రక్రియలో కీలక మార్పులు చేసింది. ఇక నుంచి దరఖాస్తు చేసుకున్న 15 రోజుల్లో కొత్త ఓటరు కార్డు(New Voter Card) ఇస్తామని తెలిపింది. కొత్త కార్డుల జారీతో పాటు పాత కార్డుల్లో వివరాల మార్పులకు ఈ నిబంధనల వర్తిస్తుందని ప్రకటించింది.

ప్రస్తుతం దేశంలో కొత్తగా ఓటరు కార్డు కోసం దరఖాస్తు చేసుకుంటే అది రావడానికి నెలకుపైగా సమయం పడుతోంది. ఎన్నికల సంఘం(Election Commission) త్వరగా కార్డులు జారీ చేయాలని నిర్ణయించింది. ఇందులో భాగంగా 15 రోజుల్లోగా(15 Days) కొత్త ఓటరు కార్డులు వచ్చేలా మార్పులు చేసింది. పేర్ల నమోదు నుంచి కార్డుల జారీ వరకు ఉన్న ప్రతి దశను తక్షణ పర్యవేక్షణ చేయనున్నట్లు వివరించింది. ఓటరు కార్డుల స్థితి గురించి ఎప్పటికప్పుడు మెసెజ్​ల ద్వారా దరఖాస్తుదారులకు తెలియజేస్తామని ఈసీ తెలిపింది.