అక్షరటుడే, ఇందూరు: Collector Nizamabad | ఆర్మూర్​ పట్టణంలోని ప్రభుత్వ ఏరియా ఆస్పత్రిలో చికిత్స పొందుతున్న పెర్కిట్​కు (Perkit) చెందిన బుజ్జమ్మ అనే వృద్ధురాలిని కలెక్టర్ వినయ్ కృష్ణారెడ్డి బుధవారం పరామర్శించారు. ఆమె ఆరోగ్య పరిస్థితి గురించి వైద్యులను అడిగి తెలుసుకున్నారు.

నిజామాబాద్​ జీజీహెచ్​లో (GGH) వైద్యులు సరిగ్గా చికిత్స చేయట్లేదని పలువురు ఫోన్​ ద్వారా కలెక్టర్​ దృష్టికి తెచ్చారు. దీంతో స్పందించిన కలెక్టర్ వృద్ధురాలికి మెరుగైన వైద్య సేవలు అందించాలని అధికారులను ఆదేశించారు. అయితే తమకు దగ్గరగా ఉండే ఆర్మూర్​లో చికిత్స చేయించుకుంటామని బుజ్జమ్మ బంధువులు చెప్పడంతో ఆమెను ఏరియా ఆస్పత్రికి తరలించారు. కాలికి గాయం తీవ్రంగా ఉందని మరింత మెరుగైన వైద్య సేవలు అవసరమని డీసీహెచ్​ఎస్​ డాక్టర్ శ్రీనివాస్​ ప్రసాద్ కలెక్టర్ దృష్టికి తెచ్చారు. దీంతో బుజ్జమ్మను తిరిగి జీజీహెచ్​కు తరలించారు. అవసరమైతే హైదరాబాద్​లోని గాంధీ ఆస్పత్రికి (Gandhi Hospital) తరలించాలని కలెక్టర్ ఆదేశించారు.