అక్షరటుడే, ఇందూరు: Sports Summer camps | వేసవి క్రీడా శిక్షణ శిబిరాలను మే 1వ తేదీ నుంచి నెలరోజుల పాటు నిర్వహిస్తున్నట్లు జిల్లా యువజన, క్రీడాధికారి (District Youth and Sports Officer) ముత్తెన్న తెలిపారు. ఈ మేరకు సోమవారం ప్రకటన విడుదల చేశారు. బాల్​బ్యాడ్మింటన్​​ (Ball badminton)కు పీటీఈ శ్రీనివాస్​, బేస్​​బాల్​ (Baseball)కు పీడీ సుజాత, బాస్కెట్​బాల్​కు (Basketball) సీనియర్​ క్రీడాకారులు సాయిరాం, హ్యాండ్​బాల్​కు (Handball) పీడీ అజ్మత్​ఖాన్​, హాకీకి పీడీ స్వామి కుమార్​, కబడ్డీకి పీఈటీ వినోద్​నాయక్​, ఖోఖోకు పీఈటీ గంగామురళి, నెట్​బాల్​కు పీటీటీ కుమార్​, సాఫ్ట్​బాల్​కు పీడీ గంగామోహన్​, వాలీబాల్​కు పీడీ యాదగిరిని శిక్షకులుగా నియమించామన్నారు. ఆసక్తి గల విద్యార్థులు శిక్షకులను సంప్రదించి శిబిరాలకు హాజరుకావాలని సూచించారు.