అక్షరటుడే, వెబ్డెస్క్:Redmi Pad 2 | షావోమీ(Xiaomi)కి చెందిన సబ్‌బ్రాండ్‌ రెడ్‌మీ(Redmi) భారతదేశ మార్కెట్‌లోకి కొత్త ప్యాడ్‌(Pad)ను తీసుకువచ్చింది. రెడ్‌మీ ప్యాడ్‌ 2 పేరిట తీసుకువచ్చిన దీని బ్యాటరీ సామర్థ్యం 9000 mAh కావడం గమనార్హం. స్మార్ట్‌ పెన్‌, గూగుల్‌ సర్కిల్‌ టు సెర్చ్‌, జెమినీ ఏఐ వంటి ఫీచర్లు ఉన్నాయి. మిడ్ రేంజ్‌లో క్వాలిటీ స్క్రీన్ ఎక్స్‌పీరియన్స్ కోసం ఈ ఆండ్రాయిడ్ టాబ్లెట్ బెస్ట్ ఆప్షన్‌గా నిలుస్తుందని భావిస్తున్నారు. కంపెనీ అధికారిక ఇ -స్టోర్‌తో పాటు Flipkart, అమెజాన్‌, ఎంపిక చేసిన ఆఫ్‌లైన్‌ స్టోర్లలోనూ అందుబాటులోకి వచ్చిన ఈ ప్యాడ్‌ స్పెసిఫికేషన్స్‌ చూసేద్దామా..
డిస్‌ప్లే:11.5 అంగుళాల 2.5K రిజల్యూషన్, 10 బిట్‌ డిస్‌ప్లేతో 90 Hz రిఫ్రెష్‌ రేటుతో వస్తోంది. 600 నిట్స్‌ పీక్‌ బ్రైట్‌నెస్‌ ఉంది. వెట్‌ టచ్‌ టెక్నాలజీ సపోర్ట్ కూడా ఉంది.
ప్రాసెసర్‌:MediaTek Helio G100 Ultra చిప్‌సెట్‌ను అమర్చారు.
ఆపరేటింగ్‌ సిస్టమ్‌:ఆండ్రాయిడ్ 15 ఆధారిత హైపర్‌ ఓఎస్‌ 2.0తో పనిచేస్తుంది.
కెమెరా:వెనకవైపు 8 MP కెమెరా, ముందువైపు 5 MP కెమెరా అమర్చారు.
బ్యాటరీ:9000 mAh బ్యాటరీ కలిగి ఉంది. ఇది 18w ఫాస్ట్‌ చార్జింగ్‌ను సపోర్ట్ చేస్తుంది.
ఈ టాబ్లెట్ 4G మద్దతు, Wi-Fi, బ్లూటూత్, 3.5mm హెడ్‌ఫోన్ జాక్‌ను కలిగి ఉంది.
వేరియంట్స్‌:వైఫై ఓన్లీ మోడల్‌ 4 జీGB + 128 GB వేరియంట్ ధర రూ.13,999.
వైఫై+ సెల్యులార్‌ మోడల్‌ 6 GB + 128 GB వేరియంట్ ధర రూ.15,999. ఇందులో 8 GB+ 256 GB వేరియంట్ ధర రూ. 17,999.
కలర్స్‌:బ్లూ, గ్రే రంగుల్లో లభిస్తుంది.
కార్డ్‌ ఆఫర్స్‌:SBI, ఫెడరల్ బ్యాంకు క్రెడిట్ కార్డులపై వెయ్యి రూపాయల తక్షణ డిస్కౌంట్‌ వర్తిస్తుంది. Flipkart ఆక్సిస్ బ్యాంకు క్రెడిట్ కార్డు పై 5 శాతం క్యాష్ బ్యాక్, ఐసీఐసీఐ అమెజాన్‌ పే క్రెడిట్ కార్డుతో కొనుగోలు చేసేవారికి 3 నుంచి 5 శాతం వరకు క్యాష్ బ్యాక్ లభిస్తుంది.