అక్షరటుడే, వెబ్​డెస్క్: BCCI President | బీసీసీఐ ప్ర‌స్తుత అధ్య‌క్షుడు రోజ‌ర్ బిన్నీ (BCCI President Roger Binny) వ‌యో ప‌రిమితి దాట‌డంతో ఆయ‌న బాధ్య‌త‌ల‌ని వైస్ ప్రెసిడెంట్ రాజీవ్ శుక్లా (BCCI Vice President Rajeev Shukla) అందుకోనున్నారు.

శుక్లా ప్రస్తుతం క్రికెట్ బోర్డు వైస్ ప్రెసిడెంట్ (vice-president of cricket board) పదవిలో ఉన్నారు. వచ్చే 3 నెలల పాటు తాత్కాలిక అధ్యక్షుడిగా బాధ్యతలు స్వీకరిస్తారు. 1983 ప్రపంచ కప్ గెలిచిన భారత జట్టులో (1983 World Cup-winning Indian team) సభ్యుడైన రోజర్ బిన్నీ.. ఈ ఏడాది జూలై 19న 70 ఏళ్లు నిండనున్నాయి. అందువల్ల, బిసిసిఐ రాజ్యాంగంలో నిర్దేశించిన అధ్యక్ష పదవికి ఆయన వయోపరిమితిని అధిగమిస్తారు. అందుకే ఖాళీగా ఉన్న పదవిని భర్తీ చేయడానికి, కొత్త వ్యక్తి ఎన్నికయ్యే వరకు రాజీవ్ శుక్లా అధ్యక్షుడి బాధ్యతలను నిర్వహిస్తారని బీసీసీఐ వర్గాలు స్ప‌ష్టం చేశాయి.

BCCI President | కొత్త అధ్య‌క్షుడు..

ఈ సమయంలో బోర్డు రోజువారీ కార్యకలాపాలను పర్యవేక్షించడంతో పాటు, నూతన అధ్యక్షుడి ఎన్నిక ప్రక్రియ సజావుగా సాగేందుకు కృషి చేస్తారు రాజీవ్ శుక్లా (Rajeev Shukla). రోజర్ బిన్నీ 2022లో సౌరవ్ గంగూలీ స్థానంలో బీసీసీఐ 36వ అధ్యక్షుడిగా నియమితులయ్యారు. భారత క్రికెట్ జట్టుకు (Indian cricket team) ప్రాతినిధ్యం వహించిన ఈ దిగ్గజ సీమర్ 27 టెస్టులు, 72 వన్డే మ్యాచ్‌ల్లో భారత్‌కు ప్రాతినిధ్యం వహించాడు. తన కెరీర్‌లో మొత్తం 124 వికెట్లు పడగొట్టాడు.

ముఖ్యంగా 1983లో భారత్ చరిత్రాత్మక ప్రపంచకప్ గెలవడంలో ఆయన కీలక పాత్ర పోషించాడు. ఆ టోర్నమెంట్‌లో ఎనిమిది ఇన్నింగ్స్‌ల్లో 18 వికెట్లు తీసి అత్యధిక వికెట్లు తీసిన బౌలర్‌గా నిలిచి భారత విజయంలో ముఖ్య భూమిక పోషించాడు.

రోజ‌ర్ బిన్ని దాదాపు మూడేళ్ల‌ పాటు అధ్య‌క్షుడి ప‌ద‌విలో కొన‌సాగారు. ఇక రాజీవ్ శుక్లా విష‌యానికి వ‌స్తే గ‌తంలో ఆయ‌న ఐపీఎల్ ఛైర్మ‌న్ గా కూడా ప‌ని చేశారు. మొత్తానికి భార‌త క్రికెట్‌లో (Indian Cricket) కీల‌క ప‌రిణామం చోటు చేసుకుంది.