అక్షరటుడే, వెబ్డెస్క్ : The Raja Saab | ప్రభాస్ (Prabhas) హీరోగా తెరకెక్కిన ది రాజాసాబ్ (Raja Saab) రిలీజ్కు ముందే రికార్డులు బద్దలు కొడుతోంది. మారుతి (Maruti) దర్శకత్వంలో తెరకెక్కుతున్న ఈ సినిమాలో నిధి అగర్వాల్, రిద్ధి కుమార్, మాళవిక మోహనన్ హీరోయిన్లుగా నటించారు. పీపుల్ మీడియా ఫ్యాక్టరీ ఆధ్వర్యంలో టీజీ విశ్వ ప్రసాద్, వివేక్ కూచిబొట్ల మూవీని నిర్మిస్తున్నారు. ఇటీవల విడుదలైన ఈ సినిమా టీజర్కు మంచి స్పందన లభించింది.
బాహుబలి, సలార్, కల్కి సినిమాలతో ప్రభాస్ పాన్ ఇండియా హీరోగా మారిపోయాడు. దీంతో ఆయన సినిమాలకు హిందీ (Bollywood)లో కూడా విపరీతంగా క్రేజ్ ఉంది. ఈ క్రమంలో ది రాజాసాబ్ (The Raja Saab) సినిమా రిలీజ్కు ముందే హిందీ మార్కెట్లో రికార్డులు సాధిస్తోంది. హిందీలో ఇప్పటి వరకు రూ.75 కోట్ల బిజినెస్ పూర్తి చేసింది. ఐవీ ఎంటర్టైన్మెంట్ సంస్థ ది రాజాసాబ్ హిందీ హక్కులను రూ.75 కోట్లకు దక్కించుకున్నట్లు సమాచారం. మ్యూజిక్ హక్కులను రూ.25 కోట్లకు విక్రయించినట్లు తెలుస్తోంది. దక్షిణాదిలో ఓటీటీ, టీవీ హక్కుల రూపంలో మరో రూ.70 కోట్లు వసూలు చేసే అవకాశం ఉంది. దీంతో రాజాసాబ్ మూవీ రిలీజ్కు ముందే రూ.150 కోట్లకు మించి వసూలు కలెక్ట్ చేయనుంది.
The Raja Saab | రిలీజ్ ఎప్పుడంటే..
హరర్ కామెడీగా తెరకెక్కుతున్న రాజాసాబ్ మూవీపై భారీ అంచనాలు ఉన్నాయి. ప్రభాస్ నటించిన కల్కి (Kalki) సినిమా గతేడాది 2024 జూన్లో విడుదలైంది. ఏడాది నుంచి ప్రభాస్ సినిమాలు లేకపోవడంతో రాజాసాబ్ కోసం డార్లింగ్ ఫ్యాన్స్ ఎంతో ఉత్కంఠగా ఎదురు చూస్తున్నారు. అయితే ఈ సినిమా ఇప్పట్లో రిలీజ్ అయ్యే అవకాశం లేదు. డిసెంబర్లో మూవీని విడుదల చేయడానికి మేకర్స్ ప్రయత్నిస్తున్నారు. అయితే ప్రభాస్ కీలక పాత్రలో నటించిన కన్నప్ప (Kannappa Movie) మాత్రం జూన్ 27(శుక్రవారం) రిలీజ్ కానుంది. మంచు విష్ణు హీరోగా తెరకెక్కిన ఈ సినిమాలో ప్రభాస్ రుద్ర పాత్రలో కనిపించనున్నారు. దాదాపు 30 నిమిషాల పాటు ఆయన సినిమాలో కనిపించనున్నట్లు సమాచారం. దీంతో డార్లింగ్ ఫ్యాన్స్ ఖుషీ అవుతున్నారు.