అక్షరటుడే, వెబ్​డెస్క్ : Rain Alert | రాష్ట్రంలోని పలు ప్రాంతాల్లో ఆదివారం వర్షం(Rain) పడే అవకాశం ఉందని వాతావరణ శాఖ (Meteorological Department) అధికారులు తెలిపారు. ఉదయం నుంచి సాయంత్రం వరకు ఉక్కపోతగా ఉంటుందని సాయంత్రం, రాత్రి పూట వర్షం పడే అవకాశం ఉందని పేర్కొన్నారు.

గత వారం రోజులుగా రాష్ట్రంలో ఎండలు మండుతున్నాయి. ఈ క్రమంలో శనివారం సాయంత్రం పలు జిల్లాల్లో భారీ వర్షం (Heavy Rain) కురిసింది. వాతావరణం చల్లబడటంతో ప్రజలు ఉక్కపోత నుంచి కాస్త ఉపశమనం పొందారు. ఆదివారం కూడా సాయంత్రం వరకు తేమతో కూడిన వేడి వాతావరణం ఉంటుందన్నారు. సాయంత్రం పూట భారీ వర్షాలకు అవకాశం ఉందని అధికారులు తెలిపారు.

కర్నాటక(Karnataka), రాయలసీమ (Rayalaseema) సరిహద్దు జిల్లాల్లో భారీ వర్షాలు పడే అవకాశం ఉందని పేర్కొన్నారు. హైదరాబాద్​ (Hyderabad)లో రాత్రి పూట చిరుజల్లులు కురిసే అవకాశం ఉంది.