అక్షరటుడే, వెబ్డెస్క్: Weather Updates | రాష్ట్రంలోని పలు ప్రాంతాల్లో మంగళవారం భారీ వర్షం కురిసే అవకాశం ఉందని వాతావరణ శాఖ అధికారులు(Meteorological Department Officers) తెలిపారు. అల్ప పీడన ప్రభావంతో ఉత్తర, తూర్పు తెలంగాణ జిల్లాల్లో వాన దంచి కొడుతుందన్నారు.
ఆదిలాబాద్, ఆసిఫాబాద్, మంచిర్యాల, పెద్దపల్లి, భూపాలపల్లి, ములుగు, జగిత్యాల, కరీంనగర్, వరంగల్, హన్మకొండ, ఖమ్మం, మహబూబాబాద్ జిల్లాల్లో జులై 26 వరకు భారీ వర్షాలు(Heavy Rains) పడుతాయన్నారు. మిగతా ప్రాంతాల్లో మోస్తరు వర్షాలు పడుతాయని అధికారులు వెల్లడించారు. గోదావరి నదికి జులై 26 నుంచి 29 మధ్య భారీ వరద వస్తుందని అంచనా వేశారు.
Weather Updates | వాగులకు జలకళ
గత నాలుగు రోజులుగా రాష్ట్రవ్యాప్తంగా మోస్తరు నుంచి భారీ వర్షాలు పడుతున్నాయి. దీంతో వాగులు పారుతున్నాయి. చెరువుల్లోకి కొత్త నీరు రావడంతో జలకళ సంతరించుకుంది. దీంతో రైతులు(Farmers) హర్షం వ్యక్తం చేస్తున్నారు.