అక్షరటుడే, వెబ్​డెస్క్ : Weather Updates | రాష్ట్రంలోని పలు జిల్లాల్లో ఆదివారం వర్షాలు(rains in Telangana) పడే అవకాశం ఉందని వాతావరణ శాఖ(Meteorological Department) తెలిపింది.

గత మూడు రోజులుగా రాష్ట్రంలోని పలు ప్రాంతాల్లో వర్షాలు పడుతున్న విషయం తెలిసిందే. అయితే ఆదివారం వానలు తగ్గుముఖం పట్టే అవకాశం ఉండగా.. పశ్చిమ, దక్షిణ, తూర్పు తెలంగాణ జిల్లాల్లో అక్కడక్కడ మోస్తరు వర్షాలు కురిసే అవకాశం ఉంది. హైదరాబాద్​(Hyderabad)లో సాయంత్రం, రాత్రి సమయంలో తేలికపాటి వానలు పడొచ్చు. అల్పపీడనం కారణంగా సోమవారం నుంచి వర్షాలు పెరిగే అవకాశం ఉంది.

Weather Updates | 8 రోజులు ముందుగా రుతుపవనాలు

నైరుతి రుతుపవనాలు(Southwest monsoon) శనివారం కేరళ(Kerala) తీరాన్ని తాకాయి. సాధారణంగా జూన్​ 1న రుతుపవనాలు కేరళలోకి ప్రవేశిస్తాయి. కానీ ఈ ఏడాది 8 రోజులు ముందుగానే రావడం గమనార్హం. 16 ఏళ్ల తర్వాత ఇంత త్వరగా రుతు పవనాలు కేరళను తాకాయి. 2009లో మే 23న నైరుతి రుతుపవనాలు కేరళను తాకాయి. తర్వాత మళ్లీ ఇప్పుడే.. రుతుపవనాలు ఇంత త్వరగా వచ్చాయి. 2022 మే 29న, 2023లో జూన్​ 8న, 2024 మే 30న నైరుతి రుతుపవనాలు కేరళ తీరాన్ని తాకాయి. మరో మూడు, నాలుగు రోజుల్లో తెలుగు రాష్ట్రాల్లోకి కూడా ప్రవేశించే అవకాశం ఉంది.

Weather Updates | రైతుల హర్షం

ఈ ఏడాది వర్షాలు సాధారణం కంటే అధికంగా ఉంటాయని వాతావరణ శాఖ అధికారులు తెలిపారు. ఇప్పటికే రాష్ట్రంలో వర్షాలు భారీగా పడుతున్నాయి. దీనికి తోడు నైరుతి రుతుపవనాలు కూడా ముందుగానే వస్తున్నాయి. దీంతో రైతులు హర్షం వ్యక్తం చేస్తున్నారు. వానాకాలం సీజన్​లో పంటలకు ఢోకా లేదని అంటున్నారు. మరోవైపు వానాకాలం పంటలకు వ్యవసాయ భూములను సిద్ధం చేసుకుంటున్నారు.