అక్షరటుడే, వెబ్​డెస్క్: Weather Updates | రాష్ట్రంలోని పలు ప్రాంతాల్లో మూడు రోజులుగా వర్షాలు పడుతున్నాయి. పశ్చిమ మధ్య బంగాళాఖాతంలో ఉపరితల ఆవర్తనం ఏర్పడింది. దీని ప్రభావంతో గురువారం కూడా పలు జిల్లాలో భారీ వర్షాలు(Heavy Rains) కురిసే అవకాశం ఉందని వాతావరణ శాఖ(Meteorological Department) హెచ్చరించింది. వికారాబాద్, కామారెడ్డి జిల్లాలకు ఆరెంజ్ అలర్ట్ జారీ చేసింది.

పలు ప్రాంతాల్లో గురువారం తెల్లవారు జామున భారీ వర్షం కురిసింది. ఈ రోజు మధ్యాహ్నం నుంచి రాత్రి వరకు అక్కడక్కడ మోస్తరు వానలు పడే ఛాన్స్​ ఉంది. హైదరాబాద్(Hyderabad)​లో కురిసిన భారీ వర్షానికి రహదారులు జలమయమయ్యాయి. మధ్యాహ్నం కూడా నగరంలో భారీ వర్షాలు పడే అవకాశం ఉందని అధికారులు హెచ్చరించారు. రానున్న రెండు గంట్లలో సిద్దిపేట, మేడ్చల్ – మల్కాజ్​గిరి, యాదాద్రి భువనగిరి, పెద్దపల్లి, జగిత్యాల, ఆసిఫాబాద్​ జిల్లాల్లో వర్షం పడే అవకాశం ఉందన్నారు.