అక్షరటుడే, వెబ్​డెస్క్ :Indian Soldier | పాకిస్తాన్​(Pakistan) తన చేతిలో బంధీగా ఉన్న భారత జవాన్​ను అప్పగించింది. ఏప్రిల్ 22న ఉగ్రవాదులు జమ్మూ కశ్మీర్​లోని పర్యాటకులపై దాడి చేసి 26 మందిని చంపేసిన విషయం తెలిసిందే. పహల్గామ్​ ఉగ్రదాడి(Pahalgam Terror Attack) తర్వాత భారత్​, పాకిస్తాన్​ మధ్య ఉద్రిక్తతలు తీవ్ర స్థాయికి చేరాయి. ఈ క్రమంలో ఏప్రిల్​ 23న బీఎస్‌ఎఫ్‌ జవాన్‌(BSF Soldier) పూర్ణమ్‌ కుమార్‌ షా వాఘా బోర్డర్​ సమీపంలో పొరపాటున సరిహద్దు దాటారు. దీంతో పాక్​ రేంజర్లు ఆయనను పట్టుకున్నారు.పీకే షా విడుదల కోసం భారత్​, పాకిస్తాన్​ చర్చలు జరిపింది. దీంతో బుధవారం ఉదయం 10:30 గంటలకు పీకే షాను పాకిస్తాన్​ భారత్​కు అప్పగించింది. అమృత్​సర్​లోని అటారి బోర్డర్​ వద్ద మన జవాన్​ను పాక్​ అధికారులు అప్పగించారు. జవాన్​ అప్పగింత ప్రక్రియ ప్రొటోకాల్​ ప్రకారం శాంతియుతంగా సాగిందని బీఎస్​ఎఫ్(BSF)​ తెలిపింది.