అక్షరటుడే, వెబ్డెస్క్ : BSNL Sim | ప్రభుత్వరంగ టెలికాం సంస్థ భారత్ సంచార్ నిగమ్‌ లిమిటెడ్‌ (BSNL) కీలక నిర్ణయం తీసుకుంది. ఇక ఇంటికే సిమ్ కార్డులను డోర్ డెలివరీ (Sim Door Delivery) చేస్తామని ప్రకటించింది. ప్రైవేట్ టెలికాం ఆపరేటర్ల దాటికి బీఎస్ఎన్ఎల్ కుదేలైంది. దేశవ్యాప్తంగా విస్తారంగా నెట్వర్క్ ఉన్నా.. వినియోగదారులు లేక గతంలో వెలవెలబోయింది. అయితే కేంద్ర ప్రభుత్వం తీసుకుంటున్న చర్యలతో బీఎస్ఎన్ఎల్ మళ్లీ పునరుజ్జీవం సంతరించుకుంటోంది. ఈ క్రమంలో వినియోగదారులను ఆకర్షించడానికి పలుచర్యలు చేపడుతోంది.
తాజాగా బీఎస్ఎన్ఎల్ కీలక నిర్ణయం తీసుకుంది. ఇకనుంచి కార్యాలయాల చుట్టూ తిరిగే బాధ లేకుండా.. ఆన్లైన్లో అప్లయ్ చేసుకుంటే ఇంటికే సిమ్ కార్డు పంపిస్తామని తెలిపింది. సెల్ఫ్ ఈ కేవైసీ (e KYC) ప్రక్రియతో సిమ్ కార్డు పొందే అవకాశం కల్పిస్తోంది.
BSNL Sim | పోటీ తట్టుకోవడానికి..
ఇప్పటికే మార్కెట్లో జియో, ఎయిర్టెల్, వొడాఫోన్ ఐడియాలు ఉచితంగా సిమ్లను డోర్ డెలివరీ చేస్తున్నాయి. దీంతో పోటీని తట్టుకోవడానికి బీఎస్ఎన్ఎల్ సైతం తాజాగా సిమ్కార్డు డోర్ డెలివరీ సర్వీస్ను ప్రారంభించింది. ప్రైవేట్ ఆపరేటర్లతో పోటీ తట్టుకోవడానికి బీఎస్ఎన్ఎల్ తీవ్రంగా కృషి చేస్తోంది. ఇందులో భాగంగా హైదరాబాద్‌ (Hyderabad)లో 5G సేవలను సాఫ్ట్‌గా ప్రారంభించిన విషయం తెలిసిందే. మరోవైపు 4జి, 5జి నెట్వర్క్ టవర్లను పెంచడానికి కృషి చేస్తోంది.
BSNL Sim | పెరిగిన కస్టమర్లు
బీఎస్ఎన్ఎల్కు గత ఏడాది కాలంలో యూజర్లు భారీగా పెరిగారు. ప్రైవేట్ ఆపరేటర్లు భారీగా రీఛార్జ్ రేట్లను పెంచడంతో వినియోగదారులు మళ్లీ బీఎస్ఎన్ఎల్ వైపు మళ్లారు. ఈ అవకాశాన్ని సద్వినియోగం చేసుకున్న ఆ సంస్థ యూజర్ల కోసం పలు ప్రత్యేక ప్లాన్లు కూడా తీసుకొచ్చింది. దీంతో వినియోగదారులు పెరిగారు.
BSNL Sim | ఆన్లైన్లో సిమ్ పొందడం ఎలా..
బీఎస్ఎన్ఎల్ సిమ్ డోర్ డెలివరీ కోసం https://sancharaadhaar.bsnl.co.in/BSNLSKYC/ వెబ్సైట్ను సందర్శించాలి. అందులో అవసరమైన వివరాలు ఎంటర్ చేయాలి. అనంతరం కేవైసీ పూర్తిచేయాలి. కేవైసీ అయిపోయిన తర్వాత అప్లికేషన్ను సబ్మిట్ కొడితే ప్రత్యామ్నాయ ఫోన్ నంబర్కు ఓటీపీ వస్తోంది. దానిని అందులో నమోదు చేస్తే ఇంటికే బీఎస్ఎన్ఎల్ సిమ్ కార్డు వస్తుంది. సిమ్కార్డు డోర్ డెలివరీలో ఏమైనా సమస్యలుంటే. 1800-180-1503లో టోల్-ఫ్రీ హెల్ప్‌లైన్‌కు ఫోన్ చేయాలని బీఎస్ఎన్ఎల్ సూచించింది.