అక్షరటుడే, వెబ్డెస్క్ : Railway Bypass | పెద్దపల్లి రైల్వే బైపాస్ (Peddapalli Railway Bypass) పనుల్లో ఎట్టకేలకు కదలిక వచ్చింది.
ఇప్పటికే ఈ బైపాస్ లైన్ నిర్మాణం పూర్తయింది. అయితే ఈ లైన్ను కాజీపేట – బల్లార్ష (Kazipet – Ballarsha) ప్రధాన లైన్తో కనెక్ట్ చేయడానికి అధికార్యలు చర్యలు చేపట్టారు. ఈ ఏడాది మార్చి వరకు ఇంటర్ లాకింగ్ పనులు పూర్తి చేయాల్సి ఉంది. పలు కారణాలతో పనుల్లో జాప్యం జరిగింది. తాజాగా ఇంటర్ లాకింగ్ పనులు చేపట్టడానికి అధికారులు చర్యలు చేపట్టారు.
ప్రధాన లైన్కు 1.78 కి.మీ.ల పొడవైన పెద్దపల్లి బైపాస్ లైన్ను కలపడం అంటే చాలా రైళ్లను ఆపాల్సి ఉంటుంది. పలు రైళ్లను దారి మళ్లించాలి. దీంతో ప్రయాణికులకు ఇబ్బందులు లేకుండా పనులు చేపట్టడానికి చర్యలు తీసుకుంటున్నారు.
రైళ్ల రద్దీ తక్కువగా ఉన్న రోజుల్లో పనులు చేపట్టి ఇంటర్లాకింగ్ (Interlocking) పూర్తి చేసేలా ప్రణాళిక రూపొందిస్తున్నారు. సోమవారం రైల్వే జీఎం పెద్దపల్లి బైపాస్ లైన్ను పరిశీలించనున్నారు. దీంతో ఇంటర్లాకింగ్ పననులపై స్పష్టత రానుంది. ఆయన సూచనల మేరకు రైల్వే ఇంజనీరింగ్ అధికారులు తదుపరి పనులు మొదలు పెట్టనున్నారు.