అక్షరటుడే, ఇందూరు: Former MLA Prabhakar | బీఆర్​ఎస్​ పార్టీ పగ్గాల కోసం కేటీఆర్​(KTR), కవిత(Kavitha) తీవ్రంగా పోటీ పడుతున్నారని మాజీ ఎమ్మెల్యే(Former MLA), బీజేపీ రాష్ట్ర నాయకుడు ఎన్వీఎస్​ఎస్​ ప్రభాకర్(NVSS Prabhakar) అన్నారు. శుక్రవారం జిల్లా కేంద్రంలోని పార్టీ కార్యాలయంలో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ.. కేసీఆర్(KCR)​ కుటుంబం కోసమే వరంగల్ సభ నిర్వహిస్తున్నాడని ఆరోపించారు. బీఆర్ఎస్ కేవలం కేటీఆర్.. కవిత కోసమే పనిచేస్తోందన్నారు. దేశంలో ఏ రాష్ట్రంలో జరగని అవినీతి బీఆర్​ఎస్​ ప్రభుత్వ హయాంలో జరిగిందన్నారు.

లిక్కర్​ స్కాం(Liquor scam)లో జైలుకు వెళ్లిన కవిత.. ప్రత్యక్ష ఉదాహరణగా చెప్పవచ్చన్నారు. ప్రస్తుతం వరంగల్ లో నిర్వహిస్తున్న సభ ఎవరికోసమో చెప్పాలని ప్రశ్నించారు. బీఆర్ఎస్(BRS) కు ఇవి చివరి రోజులన్నారు. సమావేశంలో పార్టీ జిల్లా అధ్యక్షుడు దినేష్ కులాచారి, పోతన్​కర్​ లక్ష్మీనారాయణ, నారాయణ యాదవ్, శ్రీకాంత్, విజయ్, కుమార్ తదితరులు పాల్గొన్నారు.