అక్షరటుడే, వెబ్​డెస్క్:Ration Shops | తెలంగాణలో అధికారంలోకి వచ్చిన కాంగ్రెస్​ ప్రభుత్వం(Congress government) కొత్తగా రేషన్​ కార్డులు మంజూరు చేస్తామని ప్రకటించింది. ఈ మేరకు నూతన కార్డుల పంపిణీని కసరత్తు కూడా ప్రారంభించింది.

ఇప్పటికే పాత కార్డుల్లో కుటుంబ సభ్యుల యాడింగ్​ ప్రక్రియ కొనసాగుతోంది. త్వరలోనే లబ్ధిదారులకు నూతన కార్డులు అందించాలని ప్రభుత్వం యోచిస్తోంది. అయితే రాష్ట్రంలో ఏళ్లుగా కొత్త రేషన్​ కార్డులు(New Ration Cards) ఇవ్వలేదు. అలాగే కొత్తగా కుటుంబ సభ్యులను చేర్చే అవకాశం కూడా కల్పించలేదు. దీంతో ప్రస్తుతం రాష్ట్రంలో రేషన్​ లబ్ధిదారుల సంఖ్య భారీగా పెరగనుంది. దీంతో ప్రభుత్వం రేషన్​ దుకాణాల సంఖ్య పెంచాలని యోచిస్తోంది.

Ration Shops | హైదరాబాద్​లో..

ప్రభుత్వం వన్​ నేషన్​.. వన్​ రేషన్​ విధానం అమలు చేస్తోంది. దీనిలో భాగంగా ఎక్కడి నుంచైనా రేషన్​ బియ్యం తీసుకోవచ్చు. రాష్ట్రంలోని అన్ని ప్రాంతాల నుంచి ఎంతోమంది వలస వచ్చి హైదరాబాద్ (Hyderabad city)​ నగరంలో నివసిస్తున్నారు. ప్రస్తుతం రేషన్​ లబ్ధిదారుల సంఖ్య పెరగనుండటంతో హైదరాబాద్​లో బియ్యం పంపిణీకి ఇబ్బందులు తలెత్తే అవకాశం ఉంది. ఈ క్రమంలో జీహెచ్​ఎంసీ GHMC ration shops పరిధిలో కొత్తగా రేషన్​షాపులు (New Ration Shops) పెంచేందుకు సివిల్​సప్లయీస్ ​అధికారులు కసరత్తు చేస్తున్నారు.

Ration Shops | 50 షాపుల ఏర్పాటుకు కసరత్తు

అధికారులు జీహెచ్​ఎంసీ పరిధిలోని రేషన్​ షాపుల (Ration Shops) వివరాలు సేకరిస్తున్నారు. కాగా.. పలువురు రేషన్​ షాపులను సక్రమంగా తీయడం లేదని, బినామీలు నడుపుతున్నారని ఇటీవల 30 దుకాణాలను రద్దు చేశారు. దీంతో ఈ 30 రేషన్​ దుకాణాలకు అదనంగా మరో 50 కొత్తగా ఏర్పాటు చేయాలని అధికారులు యోచిస్తున్నారు. ప్రస్తుతం హైదరాబాద్ ​పరిధిలో 624 రేషన్​షాపులు నడుస్తున్నాయి. నగరంలో ఇప్పుడు 6,39,451 కార్డులున్నాయి. కొత్త కార్డుల కోసం దాదాపు 4 లక్షల మంది దరఖాస్తు చేసుకున్నారు. దీంతో లబ్ధిదారులు, కార్డుల సంఖ్య పెరగనున్న నేపథ్యంలో అదనంగా 50 దుకాణాలు ఏర్పాటు చేయాలని అధికారులు ఆలోచిస్తున్నారు.