అక్షరటుడే, వెబ్డెస్క్:Instagram Love | ప్రస్తుత సోషల్ మీడియా యుగంలో కొందరు తాత్కాలిక ఆనందాల కోసం జీవితాలను నాశనం చేసుకుంటున్నారు. కుటుంబ సభ్యులను కాదని, ముక్కు మొఖం తెలియని వారి కోసం వెళ్లిపోతున్నారు. ఆ తర్వాత మోసపోతున్నారు. వాట్సాప్, ఫేస్బుక్, ఇన్స్టాగ్రామ్లో పరిచయమై ఒక్కటవుతున్నారు. అనంతరం జీవితంతో ఓడిపోయి పలువురు తనువు చాలిస్తున్నారు. తాజాగా ఇలాంటి ఘటన తిరుపతి జిల్లా శ్రీకాళహస్తి(Tirupati District Srikalahasti)లో చోటు చేసుకుంది.
Instagram Love | పిల్లలను కాదనుకొని..
విశాఖపట్నానికి చెందిన పద్మ(40)కు భర్త, మెడికల్ రెప్రజెంటేటివ్గా పని చేసే ఒక కొడుకు, డిగ్రీ ఫైనల్ ఇయర్ చదువుతున్న కూతురు ఉన్నారు. పద్మకు శ్రీకాళహస్తికి చెందిన సురేష్(25)తో ఇన్స్టాగ్రామ్(Instagram)లో పరిచయం అయింది. ఆ పరిచయం కాస్త ప్రేమగా మారింది. దీంతో సురేష్ కోసం పద్మ ఓ సారి శ్రీకాళహస్తికి వెళ్లింది. అయితే కుటుంబ సభ్యులు పోలీసులకు ఫిర్యాదు చేసి ఆమెను తిరిగి ఇంటికి తీసుకొచ్చారు. అయితే ఆమె 9 నెలల క్రితం మళ్లీ ఇంట్లో నుంచి వెళ్లిపోయింది. సురేశ్, పద్మ పెళ్లి చేసుకొని శ్రీకాళహస్తిలోని కైలసగిరిలో కాపురం పెట్టారు.
Instagram Love | టిఫిన్ వృథా చేసినందుకు..
పెళ్లయిన నాటి నుంచి సురేష్, పద్మ మధ్య మనస్పర్థలు రావడంతో నిత్యం గొడవ పడుతున్నారు. ఈ క్రమంలో టిఫిన్ వేస్ట్ చేస్తోందని పద్మను సురేష్ మందలించాడు. దీంతో మనస్తాపం చెందిన ఆమె ఉరి వేసుకొని ఆత్మహత్య చేసుకుంది. భయపడిన సురేష్ ఆ విషయం ఎవరికి చెప్పకుండా తాను కూడా పురుగుల మందు తాగాడు. ఇంట్లో నుంచి దుర్వాసన రావడంతో చుట్టుపక్కల వారు పోలీసులకు సమాచారం ఇచ్చారు. కోన ఊపిరితో ఉన్న సురేష్‌ను పోలీసులు (Police) ఆస్పత్రికి తరలించగా.. చికిత్స పొందుతూ మృతి చెందాడు. కాగా.. ఈ ఘటన తెలుగు రాష్ట్రాల్లో చర్చకు దారితీసింది.