అక్షరటుడే, వెబ్​డెస్క్ :Bharat Summit | హైదరాబాద్​లో శుక్ర, శనివారాల్లో భారత్​ సమ్మిట్​ కార్యక్రమాన్ని ప్రభుత్వం(Government) నిర్వహించనుంది. రెండు రోజుల పాటు సాగే ఈ సమ్మిట్​కు 100కు పైగా దేశాల నుంచి 450 మందికి పైగా ప్రతినిధులు హాజరు కానున్నారు. ఈ సమ్మిట్​లో కాంగ్రెస్​ జాతీయ అధ్యక్షుడు మల్లికార్జున ఖర్గే(Mallikarjuna Kharge), లోక్​సభ ప్రతిపక్ష నేత రాహుల్‌ గాంధీ(Rahul Gandhi) కీలక ప్రసంగాలు చేయనున్నారు. అయితే పహల్గామ్​ ఉగ్రదాడి(Pahalgam terror attack) నేపథ్యంలో నిఘా వర్గాలు మరిన్ని దాడులకు అవకాశం ఉందని హెచ్చరించాయి. దీంతో రాష్ట్ర పోలీసులు(State Police) అప్రమత్తం అయ్యారు. వివిధ దేశాల ప్రతినిధులు హాజరయ్యే ఈ సమ్మిట్​ ప్రశాంతంగా సాగేలా చర్యలు చేపట్టారు. సమ్మిట్​ జరిగే హెచ్‌ఐసీసీ(HICC)తో పాటు సైబరాబాద్‌ పరిసర ప్రాంతాలలో పటిష్టమైన నిఘా ఏర్పాటు చేశారు.