అక్షరటుడే, వెబ్​డెస్క్: Dubai | దుబాయ్​లో భారీ అగ్ని ప్రమాదం(Major fire Accident) చోటు చేసుకుంది. దుబాయ్​ మెరీనాలోని టైగర్ టవర్(మెరీనా పినాకిల్) వద్ద అగ్ని ప్రమాదం జరిగింది. భారీ అంతస్తులతో నిర్మించిన భవనంలో ప్రమాదం చోటు చేసుకోవడం గమనార్హం. మంటలు వేగంగా భవనం మొత్తం వ్యాపించాయి. అధికారులు సకాలంలో స్పందించి ఆ భవనంలోని నాలుగు వేల మందిని సురక్షితంగా తరలించారు. ఈ ఘటనలో ఎటువంటి ప్రాణనష్టం జరగలేదు. దుబాయ్ మెరీనా(Dubai Marina)లోని ఒక ఎత్తయిన నివాస, వాణిజ్య టవర్ పైఅంతస్తు నుంచి మంటలు చెలరేగాయని సమాచారం. అగ్ని మాపక సిబ్బంది(Firefighters) మంటలను అదుపులోకి తీసుకొచ్చారు. ఈ ప్రమాదానికి సంబంధించిన వీడియోలు సోషల్​ మీడియాలో వైరల్​ అవుతున్నాయి.