అక్షరటుడే, వెబ్‌డెస్క్‌: Pre Market Analysis : గ్లోబల్ మార్కెట్లు(Global markets) మిక్స్‌డ్‌గా కనిపిస్తున్నాయి. యూఎస్‌ ఫ్యూచర్స్‌ లాభాలతో ఉండగా.. యూరోప్‌ మార్కెట్లు నష్టపోయాయి. శుక్రవారం ఉదయం 8 గంటల ప్రాంతంలో ఆసియా మార్కెట్లు మిశ్రమంగా సాగుతున్నాయి.
Pre Market Analysis : యూఎస్‌ మార్కెట్లు(US markets)..
గురువారం అమెరికా మార్కెట్లలో జూన్‌టీంత్‌ హాలిడే(Holiday). దీంతో అక్కడి మార్కెట్లలో ట్రెడిరగ్‌ సాగలేదు. శుక్రవారం ఉదయం డౌజోన్స్‌ ఫ్యూచర్స్‌ 0.39 శాతం లాభంతో ఉంది.
Pre Market Analysis : యూరోప్‌ మార్కెట్లు(European markets)..
యూరోప్‌ మార్కెట్లు నష్టాలతో ముగిశాయి. సీఏసీ(CAC) 1.36 శాతం, డీఏఎక్స్‌ 1.13 శాతం, ఎఫ్‌టీఎస్‌ఈ 0.59 శాతం నష్టపోయాయి.
Pre Market Analysis : ఆసియా మార్కెట్లు(Asian markets)..
ప్రధాన ఆసియా మార్కెట్లు మిశ్రమంగా సాగుతున్నాయి. ఉదయం 8 గంటల సమయంలో కోస్పీ(Kospi) 1.03 శాతం, హంగ్‌సెంగ్‌ 0.61 శాతం, షాంఘై 0.10 శాతం, స్ట్రెయిట్స్‌ టైమ్స్‌ 0.13 శాతం లాభాలతో ఉండగా.. తైవాన్‌ స్టాక్‌ ఎక్స్ఛేంజ్‌ 0.79 శాతం, నిక్కీ 0.09 శాతం నష్టాలతో ట్రేడ్‌ అవుతున్నాయి. గిఫ్ట్‌ నిఫ్టీ(Gift nifty) 0.02 శాతం నష్టంతో కొనసాగుతోంది. ఈ నేపథ్యంలో మన మార్కెట్లు ఫ్లాట్‌గా ప్రారంభమయ్యే అవకాశాలు కనిపిస్తున్నాయి.
Pre Market Analysis : గమనించాల్సిన అంశాలు..
- ఎఫ్‌ఐఐలు వరుసగా మూడో రోజూ నికర కొనుగోలుదారులుగా నిలిచారు. గురువారం నికరంగా రూ. 934 కోట్లు, డీఐఐలు రూ. 605 కోట్ల విలువైన స్టాక్స్‌ కొనుగోలు చేశారు.
- నిఫ్టీ పుట్‌కాల్‌ రేషియో(PCR) 0.80 నుంచి 1.03కు చేరింది . విక్స్‌(VIX) 0.14 శాతం తగ్గి 14.26 వద్ద ఉంది. పీసీఆర్‌, విక్స్‌ కంఫర్ట్‌ జోన్‌లో ఉండడం బుల్స్‌(Bulls)కు అనుకూల వాతావరణాన్ని సూచిస్తున్నాయి.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 76.85 డాలర్ల వద్ద ఉంది.
- డాలర్‌తో రూపాయి(Rupee) మారకం విలువ 25 పైసలు పడిపోయి 86.73 వద్ద ఉంది.
- యూఎస్‌ డాలర్‌ ఇండెక్స్‌ 98.67 వద్ద ఉండగా.. యూఎస్‌ పదేళ్ల బాండ్‌ ఈల్డ్‌ 4.40 వద్ద నిలిచాయి.
- ఇరాన్, ఇజ్రాయిల్‌ యుద్ధ భయాలు కొనసాగుతున్నాయి. ఈ యుద్ధంలో ప్రత్యక్షంగా పాల్గొనే విషయంపై త్వరలోనే ట్రంప్‌ నిర్ణయాన్ని ప్రకటిస్తారని వైట్‌హౌస్‌ తెలిపింది.
- చైనా సెంట్రల్‌ బ్యాంక్‌ వడ్డీ రేట్లను యథాతథంగా కొనసాగించింది.
- ముడి చమురు(Crude oil) ధరలు గరిష్ట స్థాయిలలో కదలాడుతున్నాయి. ఇది భారత్‌ వంటి అభివృద్ధి చెందుతున్న దేశాలకు ప్రతికూలం.