అక్షరటుడే, నిజాంసాగర్: Nizamsagar | కాంగ్రెస్ జుక్కల్ నియోజకవర్గ సీనియర్ నాయకుడు జయప్రదీప్​పై పిట్లం మార్కెట్ కమిటీ(Pitlam Market Committee) ఛైర్మన్ మనోజ్ కుమార్ చేసిన వ్యాఖ్యలను వెనక్కి తీసుకోవాలని ఆ పార్టీ నాయకులు డిమాండ్ చేశారు.

నిజాంసాగర్ మండల కేంద్రంలో గురువారం మాగి గ్రామ (Magi Village) నాయకులు, గ్రామస్థులు మాట్లాడారు. జయప్రదీప్ ఇందిరమ్మ ఇళ్ల (Indiramma Houses) మంజూరు కోసం ఎవరి దగ్గరా డబ్బులు తీసుకోలేదన్నారు.

గతంలో బీఆర్​ఎస్​ హయాంలో ఇంటి నిర్మాణాలు చేపట్టిన వారికే ప్రస్తుతం కాంగ్రెస్​ విడుదల చేసిన జాబితాలో పేర్లు చేర్చారని.. నిజమైన అర్హులైన పేద లబ్ధిదారుల పేర్లను జాబితాలో చేర్చలేదని వారు ఆరోపించారు. ఇప్పటికైనా మనోజ్​కుమార్​ చేసిన వ్యాఖ్యలను వెనక్కి తీసుకోవాలని డిమాండ్​ చేశారు. సమావేశంలో నాయకులు, ఇందిరమ్మ ఇళ్ల లబ్ధిదారులు కర్ణం శ్రీనివాస్, శేఖర్, సత్యనారాయణ, సాయిలు, వీరయ్య, బాలయ్య, రాజు, రాము, నారాయణ తదితరులు పాల్గొన్నారు.