అక్షరటుడే, వెబ్​డెస్క్​ :KTR | మాజీ మంత్రి, బీఆర్​ఎస్​ వర్కింగ్​ ప్రెసిడెంట్​ కేటీఆర్​పై (Brs Working president ktr) హైదరాబాద్​ సైబర్​ క్రైమ్​ పోలీసులు (Hyderabad Cyber ​​Crime Police) కేసు నమోదు చేశారు.

కాళేశ్వరం కమిషన్​ విచారణకు కేసీఆర్​ హాజరైన సందర్భంగా కేటీఆర్​ రేవంత్​రెడ్డి(CM Revanth Reddy)పై అనుచిత వ్యాఖ్యలు చేశారు. రేవంత్​ రెడ్డి చిల్లర వ్యక్తి అన్నారు. సీఎం రేవంత్​రెడ్డిపై కేటీఆర్​, హుజురాబాద్​ ఎమ్మెల్యే పాడి కౌశిక్​ రెడ్డి (Huzurabad MLA Padi Kaushik Reddy) అనుచిత వ్యాఖ్యలు చేశారని కాంగ్రెస్​ ఎమ్మెల్సీ బల్మూరి వెంకట్ (Congress MLC Balmuri Venkat)​ శుక్రవారం పోలీసులకు ఫిర్యాదు చేశారు. ఈ మేరకు కేటీఆర్​పై పోలీసులు కేసు నమోదు చేశారు. సీసీఎస్​ పోలీసులు కేసును దర్యాప్తు చేస్తున్నారు.

KTR | మరోవైపు ఏసీబీ నోటీసులు

కాగా.. ఫార్ముల ఈ రేస్​ కేసులో సైతం ఏసీబీ అధికారులు మరోసారి విచారణకు రావాలని కేటీఆర్​కు నోటీసులు ఇచ్చిన విషయం తెలిసిందే. ఈ నెల 16న ఉదయం 10 గంటలకు విచారణకు హాజరు కావాలని అధికారులు పేర్కొన్నారు. ఇదే కేసులో కేటీఆర్​ గతంలో విచారణకు హాజరయ్యారు. అయితే మళ్లీ అధికారులు నోటీసులు ఇవ్వడం గమనార్హం.