అక్షరటుడే, వెబ్​డెస్క్:Odisha | ఒడిశాలో ఓ భారీ అవినీతి తిమింగలం విజిలెన్స్​ అధికారులకు(vigilance officers) చిక్కింది. సదరు అవినీతి అధికారి ఇంట్లో నోట్ల కట్టలను చూసి తనిఖీలకు వెళ్లిన అధికారులే షాక్​ అయ్యారు.

భువనేశ్వర్‌(Bhubaneswar)లోని గ్రామీణ పనుల విభాగం చీఫ్ ఇంజనీర్ బైకుంత నాథ్ సారంగికి సంబంధించిన పలు ప్రాంతాల్లో శుక్రవారం విజిలెన్స్​ అధికారులు దాడులు చేశారు. సదరు అధికారి ఇంట్లో రూ.2.1 కోట్లకు పైగా విలువైన లెక్కల్లో చూపని నగదును స్వాధీనం చేసుకున్నారు. ఆక్రమ ఆస్తులు కలిగి ఉన్నాడనే ఆరోపణలు రావడంతో అధికారులు దాడు చేశారు.

Odisha | నోట్లను విసిరేసుందుకు యత్నం

అధికారులు దాడులు చేయడంతో బైకుంతనాథ్​ తన ఇంట్లోని నగదును కిటికీలో నుంచి బయట పడేసేందుకు యత్నించినట్లు తెలిసింది. రూ.500 నోట్ల కట్టలను(500 rupee notes bundles) విసిరేశాడని అధికారులు తెలిపారు. అధికారులు ఆ నోట్ల కట్టలను కూడా స్వాధీనం చేసుకున్నారు. భువనేశ్వర్, అంగుల్, పిపిలి (పూరి) లోని ఏడు ప్రదేశాలలో ఏకకాలంలో సోదాలు నిర్వహించారు.

Odisha | భారీగా అక్రమాస్తులు

భువనేశ్వర్​లోని దుండుమాలోని సదరు అవినీతి అధికారి ప్లాట్​ నుంచి సుమారు రూ.కోటి, అంగుల్ జిల్లా కరడగాడియాలోని అతని రెండంతస్తుల నివాసంలో సుమారు రూ.1.1 కోట్లు స్వాధీనం చేసుకున్నారు. అలాగే అతడు భారీగా అక్రమాస్తులు(Illegal assets) కూడబెట్టినట్లు గుర్తించారు. అంగుల్‌లోని రెండంతస్తుల ఇల్లు, భువనేశ్వర్​లో ఒక ఫ్లాట్, పూరిలోని సియులాలో ఒక ఫ్లాట్, అంగుల్‌లోని బంధువు ఇల్లు, అంగుల్‌లోని సారంగి తండ్రి ఇల్లు, అంగుల్‌లోని రెండంతస్తుల భవనం, భువనేశ్వర్‌లోని చీఫ్ ఇంజనీర్ కార్యాలయంలోని అతని గదిలో తనిఖీలు చేశారు. ఆ దాడుల్లో ఎనిమిది మంది డిప్యూటీ సూపరింటెండెంట్లు, 12 మంది ఇన్‌స్పెక్టర్లు, ఆరుగురు అసిస్టెంట్ సబ్-ఇన్‌స్పెక్టర్లు, ఇతర సిబ్బంది పాల్గొన్నారు.