అక్షరటుడే, వెబ్​డెస్క్ : Anantapuram | అనంతపురం ( Anantapuram) జిల్లాలో దారుణ ఘటన చోటు చేసుకుంది. ఇంటర్​ సెకండియర్​ చదువుతున్న ఓ విద్యార్థినిని దుండగులు బండరాయితో మోది హత్య చేశారు. అనంతరం పెట్రోల్​ పోసి మృతదేహాన్ని తగులబెట్టారు. ఉరవకొండ (Uravakonda) నియోజకవర్గం కూడేరు మండలం బ్రాహ్మణపల్లి వద్ద కాలిన స్థితిలో మృతదేహం లభించింది.

కాగా తమ కూతురు కనిపించడం లేదని మంగళవారం పోలీసులకు ఫిర్యాదు చేసినా పట్టించుకోలేదని మృతురాలి తల్లిదండ్రులు ఆరోపించారు. కాల్​ లిస్ట్​ పేరుతో కాలయాపన చేశారని ఆవేదన వ్యక్తం చేశారు. పోలీసులు ముందుగానే స్పందించి ఉంటే తమ కూతురు బతికేదని వారు వాపోయారు. కాగా ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.