అక్షరటుడే, గాంధారి: Gandhari | తాగునీటి కోసం ఎన్నో అవస్థలు పడుతున్నామని.. అయినప్పటికీ జీపీ సిబ్బంది పట్టంచుకోవట్లేదంటూ ఆ గ్రామ ప్రజలు పంచాయతీని ముట్టడించారు. గాంధారి మండలం బ్రాహ్మణపల్లిలో (Brahmanpalli) గ్రామస్థులు శనివారం పంచాయతీ కార్యాలయం వద్ద ఆందోళనకు దిగారు.

మిషన్​ భగీరథ (Mission Bhagiratha) నీళ్లు రాక ఇబ్బందులు పడుతున్నామని.. వాన నీళ్లు తాగుతూ బతుకుతున్నామని వారు వాపోయారు. జీపీ పరిధిలో రెండు బోర్లు ఉన్నప్పటికీ అవి పాడవడంతో గుక్కెడు నీటి కోసం అల్లాడుతున్నామని వారు ఆగ్రహం వ్యక్తం చేశారు. ఈ విషయమై జీపీ కార్యదర్శి సరస్వతి స్పందించి.. మిషన్​ భగీరథ నీళ్లు రావట్లేదని ఈదురుగాలులకు విద్యుత్​ సరఫరా నిలిచిపోవడంతో బోర్లు పనిచేయట్లేదన్నారు. అలాగే ఒక బోరు కూడా రిపేర్​లో ఉందని రిపేర్లు చేయిస్తామని చెప్పారు.