అక్షరటుడే, కామారెడ్డి: Blood donors | కామారెడ్డి రక్తదాతల సేవలు అభినందనీయమని జిల్లా జడ్జి వరప్రసాద్‌ అన్నారు. ప్రపంచ రక్తదాన దినోత్సవం (World Blood Donor Day) సందర్భంగా రెడ్‌ క్రాస్‌ సొసైటీ, జూనియర్‌ యూత్‌ విభాగం ఆధ్వర్యంలో ఆర్కే డిగ్రీ కళాశాలలో రక్తదాతలకు అభినందన కార్యక్రమం నిర్వహించారు. ఈ సందర్భంగా జిల్లా జడ్జి మాట్లాడారు.
చిన్నారుల కోసం మెగా రక్తదాన శిబిరాలు (Mega blood donation camps) నిర్వహిస్తున్న డాక్టర్ బాలును ప్రత్యేకంగా అభినందించారు. అనంతరం మూడు కంటే ఎక్కువసార్లు రక్తదానం చేసిన 24 మందికి పురస్కారాలు అందజేశారు. కార్యక్రమంలో జిల్లా న్యాయ సేవాధికార సంస్థ కార్యదర్శి నాగరాణి, సర్వ్‌ నీడి స్వచ్ఛంద సంస్థ వ్యవస్థాపకుడు గౌతమ్, ఆర్కే విద్యాసంస్థల సీఈవో జైపాల్‌ రెడ్డి, బార్‌ అసోసియేషన్‌ అధ్యక్షుడు రమేష్, కామారెడ్డి రక్తదాతల గ్రూప్‌ అధ్యక్షుడు జమీల్, ఉపాధ్యక్షుడు వెంకటరమణ, తదితరులు పాల్గొన్నారు.