అక్షరటుడే, ఇందూరు: Nizamabad | దైవ దర్శనానికి వెళ్లొస్తూ ఏఎస్సై భార్య దుర్మరణం చెందారు. ఈ ఘటన నిజామాబాద్​ జిల్లా కేంద్రం(Nizamabad district headquarters)లో చోటుచేసుకుంది. నగరంలో నివాసం ఉండే ఇంటెలిజెన్స్ (Intelligence)​ ఏఎస్సై(ASI) భీమ్​రావు సతీమణి మాక్లూర్​ భవాని(58) బుధవారం (జూన్​ 9) ఉదయం తన కుమారుడితో కలిసి ద్విచక్ర వాహనంపై బాసర(BASARA)కు వెళ్లారు.

Nizamabad | కుక్క అడ్డు రావడంతో..

అమ్మవారి దర్శనం అనంతరం తిరిగొస్తూ ప్రమాదానికి గురయ్యారు. కంఠేశ్వర్​ బైపాస్ (Kanteshwar bypass)​ మీద వస్తుండగా వీరి వాహనానికి ఒక కుక్క అడ్డుగా వచ్చింది. దీంతో భవాని కుమారుడు సడెన్​గా బ్రేక్​ వేశాడు. ఈ క్రమంలో వాహనంలో కొంగు చిక్కుకోవడంతో భవాని అదుపు తప్పి కింద పడిపోయారు. కింద పడిన ఆమె తలకు బలమైన గాయం కావడంతో వెంటనే సమీపంలోని ప్రైవేటు ఆసుపత్రికి తీసుకెళ్లారు. అయితే, ఆమెను పరీక్షించిన వైద్యులు అప్పటికే మృతి చెందినట్లు నిర్ధారించారు.

రూరల్​ పోలీసులు (RUral Police) ఘటనా స్థలానికి చేరుకుని విచారణ చేపట్టారు. పోస్టుమార్టం నిమిత్తం మృతదేహాన్ని ప్రభుత్వ ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు. ఇంటెలిజెన్స్​ ఏఎస్సై భీమ్​రావు భార్య భవాని రోడ్డు ప్రమాదంలో మృతి చెందడంపై పోలీసు అధికారులు దిగ్భ్రాంతి వ్యక్తం చేశారు. భీమ్​రావుకు ప్రగాఢ సానుభూతి తెలిపారు.

భీమ్​రావు సొంత గ్రామం. మాక్లూరు. ఈ దంపతులకు ముగ్గురు కుమారులు ఉన్నారు. పెద్ద కొడుకు అమెరికా(AMERICA)లో ఉంటున్నాడు. కాగా, పెద్దబాబు వచ్చాకనే సొంతూరు మాక్లూర్(Makloor)​లో శుక్రవారం భవాని అంత్యక్రియలు చేయనున్నట్లు కుటుంబ సభ్యులు తెలిపారు.