అక్షరటుడే, నిజామాబాద్​ సిటీ: GGH Nizamabad | నిజామాబాద్​ జిల్లా కేంద్రంలోని జీజీహెచ్​లో పైకప్పు పెచ్చులూడి పడ్డాయి. దీంతో ఓ చిన్నారికి గాయాలయ్యాయి. వివరాల్లోకి వెళ్తే.. జిల్లా కేంద్రంలోని జనరల్​ ఆస్పత్రి మొదటి అంతస్తులో రూం నెంబర్​ 178లో శుక్రవారం సాయంత్రం పైకప్పు పెచ్చులూడి పడ్డాయి. దీంతో బెడ్​పై ఉన్న శిశువుకు గాయాలయ్యాయి. వెంటనే చిన్నారి చికిత్స నిమిత్తం వేరే వార్డుకు తరలించారు. కాగా.. ఆస్పత్రి భవనం నిర్వహణను సరిగ్గా పట్టించుకోకపోవడం వల్లే ఇలా జరిగిందని రోగులు, వారి బంధువులు ఆరోపిస్తున్నారు.