అక్షరటుడే, వెబ్డెస్క్ : Fighter jets | భారత్ – పాకిస్తాన్ మధ్య ఉద్రిక్తతలు ఇంకా ఆగిపోలేదు. ఓ వైపు కాల్పుల విరమణకు అంగీకరించిన పాకిస్తాన్, మళ్లీ శనివారం రాత్రి డ్రోన్లతో భారత్పై అటాక్ చేసింది. జమ్మూ శ్రీనగర్ ప్రాంతాల్లో కాల్పులకు తెగబడింది. భారత దళాలు పాకిస్తాన్ దాడులన తిప్పికొట్టాయి. అయితే కాల్పుల విరమణను ఉల్లంఘించిన పాక్పై భారత్ ఎలా స్పందిస్తుందో చూడాలి.
ఈ క్రమంలో భారత్, పాక్ యుద్ధ బలాలు చూసుకుంటే.. అన్నింటా భారత్దే పైచేయి. అయినా కాల్పుల విరమణకు అంగీకరించడంపై భారత పౌరులు ఆగ్రహం వ్యక్తం చేస్తున్నారు. ఉగ్రదాడులకు పాల్పడుతున్న పాక్ పీచం అణచాల్సిన సమయంలో ఎందుకు వెనక్కి తగ్గారని సోషల్ మీడియాలో కేంద్ర ప్రభుత్వాన్ని ప్రశ్నిస్తున్నారు. దాడులతో పాకిస్తాన్ ఉక్కిరి బిక్కిరి చేస్తున్న బలగాలకు మరికొన్ని రోజుల సమయం ఇచ్చి ఉంటే ఉగ్రదేశానికి బుద్ధి చెప్పేవారని అంటున్నారు.
ప్రపంచంలో అత్యధిక యుద్ధ విమానాలు అమెరికా వద్ద ఉన్నాయి. ఆ దేశం వద్ద 13,209 యుద్ధ విమానాలు ఉన్నాయి. భారత్ వద్ద 2,296, పాకిస్తాన్ వద్ద 1,434 యుద్ధ విమానాలు ఉన్నాయి.
అత్యధిక యుద్ధ విమానాలు కలిగిన దేశాలు
అమెరికా – 13,209
రష్యా – 4,255
చైనా – 3,304
ఇండియా – 2,296
దక్షిణ కొరియా – 1,576
జపాన్ – 1,459
పాకిస్తాన్- 1,434
ఈజిఫ్ట్ – 1,080
టర్కీ- 1,069
ఫ్రాన్స్ – 972