అక్షరటుడే, వెబ్​డెస్క్: Jagdeep Dhankhar Resign | ఉప రాష్ట్రపతి జగదీప్​ ధన్​ఖడ్(Vice President Jagdeep Dhankhar)​ రాజీనామా అంశం దేశ రాజకీయాల్లో తీవ్ర చర్చకు దారి తీసింది. పార్లమెంట్​ సమావేశాల సందర్భంగా ఆయన రాజీనామా(Resign) చేయడంపై విపక్షాలు అనుమానాలు వ్యక్తం చేస్తున్నారు. ఆరోగ్య కారణాలతో రాజీనామా చేస్తున్నట్లు ఆయన ప్రకటించినప్పటికి.. లోతైన కారణాలు ఉండి ఉంటాయని ప్రతిపక్షాలు అనుమానం వ్యక్తం చేస్తున్నాయి. ఈ మేరకు కాంగ్రెస్​ ప్రధాన కార్యదర్శి, ఎంపీ జైరాం రమేష్(Congress MP Jairam Ramesh)​ సోషల్ మీడియా వేదికగా స్పందించారు. జగ్‌దీప్‌ ధన్‌ఖడ్‌ తన నిర్ణయంపై పునరాలోచన చేయాలని కోరారు. నిబంధనలు, ప్రొటోకాల్‌ను ధన్‌ఖడ్‌ పాటించేవారన్నారు.

Jagdeep Dhankhar Resign | అప్పుడే ఏదో జరిగింది

బీఏసీ సమావేశానికి జేపీ నడ్డా(JP Nadda), రిజిజు(Rijiju) ఉద్దేశపూర్వకంగా రాలేదని జైరాం రమేష్​ ఆరోపించారు. ఈ విషయంలో ధన్‌ఖడ్‌ అసంతృప్తి వ్యక్తం చేశారన్నారు. సోమవారం మధ్యాహ్నం 1గంటల నుంచి 4:30 గంటల మధ్య ఏదో జరిగిందన్నారు. ఆయన రాజీనామాకు లోతైన కారణాలు ఉన్నాయని పేర్కొన్నారు. ఆయన తన నిర్ణయాన్ని పున:పరిశీలించుకోవాలన్నారు. ప్రధాని మోదీ(Prime Minister Modi) జగదీప్​ ధన్​ఖడ్​ను ఒప్పించాలని కోరారు.

ఇతర విపక్ష నాయకులు సైతం జగదీప్​ ధన్​ఖడ్​ రాజీనామాపై స్పందించారు. ఆయన అధికార, విపక్షాలను సమానంగా చూసేవారని పేర్కొన్నారు. శివసేన యూబీటీ నాయకులు ఆనంద్​ దూబే(Shiva Sena UBT Leader Anand Dubey) స్పందిస్తూ.. ఉపరాష్ట్రపతి రాజీనామా చేయడం బాధాకరమన్నారు. ఆరోగ్య కారణాలతో అయితే పార్లమెంట్​ సమావేశాలకు ముందు లేదా సమావేశాలు పూర్తయిన తర్వాత రాజీనామా చేసి ఉండాల్సిందన్నారు. ఉప రాష్ట్రపతి రాజీనామా తనకు వ్యక్తిగతంగా నచ్చలేదని కపిల్​ సిబల్​ అన్నారు.