అక్షరటుడే, వెబ్​డెస్క్​: Sand Mining | ఉమ్మడి నిజామాబాద్​ జిల్లాలో ఇసుక అక్రమ రవాణా యథేచ్ఛగా సాగుతోంది. ప్రభుత్వం సీరియస్​గా ఉన్నా దందా ఆగడం లేదు. అక్రమార్కులు జోరుగా అక్రమంగా ఇసుకను రవాణా చేస్తున్నారు. ఇలా అక్రమంగా తరలిస్తున్న నాలుగు ఇసుక లారీలను అధికారులు సీజ్​ చేశారు.

Sand Mining | కమ్మర్​పల్లి మండల కేంద్రంలో..

కమ్మర్​పల్లి మండల (Kammarpally mandal) కేంద్రంలో ఇసుక అక్రమంగా తరలిస్తున్నారన్న సమాచారంతో టాస్క్​ఫోర్స్​ సీఐ అంజయ్య (CI Anjaiah) ఆధ్వర్యంలో సిబ్బంది దాడులు చేశారు. భారత్ పెట్రోల్ బంక్ వెనుకల ప్రభుత్వ అనుమతి లేకుండా శనివారం రాత్రి సమయంలో ఇసుక తరలిస్తుండగా పట్టుకున్నారు. వాటిని వెంటనే సీజ్​ చేసి కమ్మర్​పల్లి పోలీస్​ స్టేషన్​కు అప్పగించారు. ఎవరైనా ఇసుక అక్రమంగా రవాణా చేస్తే చర్యలు తప్పవని అధికారులు హెచ్చరించారు.