అక్షరటుడే, వెబ్‌డెస్క్‌: Marriage : పిల్లలకు సరైన వయసులో పెళ్లికాని తల్లిదండ్రులు ఆందోళన చెందుతుంటారు. సకాలంలో వివాహం కావాలని దేవుళ్లను వేడుకుంటారు. దైవ దర్శనంతో అడ్డంకులు తొలిగి పెళ్లవుతుందని భావిస్తుంటారు. ఇలాంటి వారికో ప్రత్యేక దేవుడున్నాడు. ఈ స్వామిని దర్శించేందుకు పెళ్లికాని ప్రసాదులు, వారి తల్లిదండ్రులు క్యూ కడుతున్నారు.
Marriage : పెళ్లికాని ప్రసాద్ల దేవుడు..
దేశంలో ఎక్కడా లేనివిధంగా మధ్యప్రదేశ్(Madhya Pradesh)లో ఒక ప్రత్యేక స్వామి ఉన్నారు. దీనిని బ్రహ్మచారుల దేవుడుగా పేర్కొంటారు. ఈ దేవుడిని అమ్మాయిలైనా, అబ్బాయిలైనా దర్శనం చేసుకుంటే వివాహం జరుగుతుందని విశ్వాసం.
Marriage : కేవలం 9 రోజులే దర్శనం
మధ్యప్రదేశ్లోని నీముచ్ జిల్లా (Neemuch district) జావాద్లో బిల్లం బావజీ(Billam Bawaji) అనే దేవుడు ఉన్నారు. ఆయనను బ్రహ్మచారుల దేవుడుగా పేర్కొంటారు. బిల్లం బావజీ జాతర సంవత్సరంలో కేవలం 9 రోజులు మాత్రమే జరుగుతుంది. రంగ పంచమి నుంచి రంగ తేరాస్ వరకు ఈ వేడుక ఉంటుంది. ఈ రోజుల్లోనే ఆ స్వామిని దర్శించుకునేందుకు పెళ్లికాని అబ్బాయిలు, అమ్మాయిలు పోటెత్తుతారు.
బ్రహ్మచారుల కుటుంబాలు ప్రతి సంవత్సరం బిల్లం బావజీని దర్శించుకునేందుకు వస్తుంటారు. వీరి సౌకర్యార్థం బిల్లం బావజీ విగ్రహాన్ని జావాద్లోని మార్కెట్ రోడ్డుపై తొమ్మిది రోజులపాటు కొలువుదీర్చుతారు. ఇలా గత 50 ఏళ్లుగా కొనసాగుతోంది.
Marriage : బావిలో విగ్రహం లభ్యం
సుమారు 50 ఏళ్ల క్రితం గణేశ్ ఆలయ బావిని శుభ్రం చేస్తున్నప్పుడు అందులో బిల్లం బావజీ విగ్రహం దొరికిందట. దానిని ఒడ్డుకు చేర్చి కొన్ని రోజులు ఉంచారట. ఈ క్రమంలో సంప్రదాయం ఎలా మొదలైందో కానీ, బిల్లం బావజీ విగ్రహాన్ని ఏటా గణేశ్ ఆలయ బావి నుంచి మార్కెట్కు చేర్చి అక్కడ ప్రతిష్ఠించడం ఆనవాయితీగా మారింది.
Marriage : ఆలయం లేని దేవుడు..
తమ కోరిక నెరవేరాక భక్తులు తిరిగి వచ్చి, స్వామిని దర్శించుకుంటారు కూడా ఈ స్వామిని భైరవ్‌ జీ మహరాజ్ (Bhairav Ji Maharaj) రూపంగా పేర్కొంటారు. కానీ, బిల్లం బావజీకి సొంతంగా ఆలయం అంటూ లేదు. జాతర జరిగే తొమ్మిది రోజులు తప్ప, ఈ స్వామి దర్శనం ఉండదు. ఎందుకంటే మిగతా రోజుల్లో గణేశ్ ఆలయంలోని బావి దగ్గరకు విగ్రహాన్ని చేర్చి అక్కడే ఉంచుతారు.
Marriage : ప్రత్యేక నైవేద్యం..
బిల్లం బావజీకి భక్తులు పాన్, కొబ్బరికాయను నైవేద్యంగా నివేదిస్తారు. పెళ్లి కావాలని కోరుకునేవారు దేవుడికి సమర్పించిన పాన్ తింటారు. అలా చేస్తే వారికి వివాహం జరుగుతుందని విశ్వాసం. కాగా, ఇక్కడి ప్రాంతంలో లింగ నిష్పత్తిలో తేడా గణనీయంగా ఉందట. ఈ క్రమంలో పెళ్లికాని ప్రసాదులు అధికంగా ఉన్నారని చెబుతుంటారు. అందుకే పెళ్లి జరగాలని యువకులు బిల్లం బావజీని దర్శించుకునేందుకు వస్తుంటారని స్థానికులు పేర్కొంటున్నారు.