అక్షరటుడే, వెబ్డెస్క్: Jeff Bezos | ప్రపంచ కుబేరుడు, అమెజాన్ వ్యవస్థాపకుడు జెఫ్ బెజోస్ 61 ఏళ్ల వయసులో పెళ్లి చేసుకున్నారు. తన ప్రియురాలు లారెన్ శాంచెజ్‌ (Lauren Sanchez)ను బెజోస్ శుక్రవారం పెళ్లి చేసుకున్నారు. ఈ వివాహ వేడుక ఇటలీలోని వెనిస్‌లో గల ఓ ఐలాండ్‌లో శుక్రవారం అట్టాహాసంగా జరిగింది.
జెఫ్ బెజోస్(Jeff Bezos) గతంలోనే పెళ్లి అయింది. అయితే 2018లో ఆయన లారెన్తో ప్రేమలో పడ్డారు. అప్పటి నుంచి ఆమెతో డేటింగ్ చేశారు. 2019లో ఈ విషయం బయటకు వచ్చింది. అదే సంవత్సరం ఆయన తన భార్య మెకంజీ స్కాట్‌కు విడాకులు ఇచ్చారు. కాగా మెకంజీతో ఆయనకు నలుగురు పిల్లలున్నారు. ఆమె బంధాన్ని తెంచుకున్న బెజోస్ లారెన్తో ప్రేమాయణాన్ని కొనసాగించారు. వీరి వివాహంపై గతంలో అనేక వార్తలు వచ్చాయి. అయితే శుక్రవారం వీరిద్దరూ ఒకటయ్యారు.
తమ వివాహ ఫొటోలను లారెన్ (55) తన ఇన్‌స్టా ఖాతాలో షేర్ చేశారు. అంతేగాకుండా తన ఇనస్టా పేజీ పేరును లారెన్ శాంచెజ్‌ బెజోస్‌గా ఆమె మార్చుకున్నారు. కాగా.. అమెజాన్ వ్యవస్థాపకుడి పెళ్లి వేడుక కావడంతో పలువురు ప్రముఖులు హాజరయ్యారు. అమెరికా అధ్యక్షుడు డొనాల్డ్‌ ట్రంప్ కుమార్తె ఇవాంకా(Trump daughter Ivanka), ఆమె భర్త జారెడ్‌ కుష్నెర్‌, కిమ్‌ కర్దాషియన్‌, కోలే కర్దాషియన్‌, ప్రముఖ జర్నలిస్ట్‌ ఓప్రా విన్‌ఫ్రే(Famous journalist Oprah Winfrey), జోర్డాన్‌ రాణి రనియా తదితరులు ఈ వేడుకకు హాజరయ్యారు. దాదాపు 200 మంది ప్రముఖులు పెళ్లికి హాజరైనట్లు సమాచారం.