అక్షరటుడే, వెబ్డెస్క్: Weather Updates | రాష్ట్రంలోని పలు ప్రాంతాల్లో గురువారం భారీ వర్షాలు కురిసే అవకాశం ఉందని వాతావరణ శాఖ అధికారులు(Meteorological Department officers) తెలిపారు. ఆదిలాబాద్, నిర్మల్, ఆసిఫాబాద్, నిజామాబాద్, మంచిర్యాల, జగిత్యాల, పెద్దపల్లి, భూపాలపల్లి, ములుగు జిల్లాల్లో మోస్తరు నుంచి భారీ వర్షాలు(Heavy Rains) పడతాయని పేర్కొన్నారు. ఉదయం నుంచే వాతావరణం మేఘావృతమై ఉంది. సాయంత్రం, రాత్రి పూట భారీ వర్షాలు కురిసే ఛాన్స్ ఉంది.
మెదక్, సిద్దిపేట, సిరిసిల్ల, కామారెడ్డి, జనగామ, మహబూబాబాద్, వరంగల్, ఖమ్మం, హన్మకొండ జిల్లాల్లో మోస్తరు వర్షాలు పడతాయని వాతావరణ శాఖ అధికారులు పేర్కొన్నారు. హైదరాబాద్(Hyderabad) నగరంలో చెదురుమదురు వానలకు అవకాశం ఉందని వివరించారు.
Weather Updates | దంచికొట్టిన వాన
రాష్ట్రంలోని పలు ప్రాంతాల్లో బుధవారం ఉదయం నుంచి రాత్రి వరకు భారీ వర్షం పడింది. మెదక్, కామారెడ్డి(Kamareddy) జిల్లాల్లో మధ్యాహ్నం నుంచి రాత్రి వరకు పలుమార్లు వర్షం పడింది. కొంతకాలంగా వర్షాలు లేక ఆందోళన చెందుతున్న రైతులకు ఈ వర్షాలు ఎంతో ఊరటనిచ్చాయి. భారీ వర్షం పడడంతో రైతులు(Farmers) పొలం పనుల్లో బిజీ అయ్యారు. చాలా చాలా గ్రామాల్లో వరినాట్లు ప్రారంభించారు.