అక్షరటుడే, వెబ్​డెస్క్​: Gmail | జీమెయిల్​ వినియోగదారులకు గూగుల్​ (Google) అలర్ట్​ జారీ చేసింది. జీమెయిల్​ ఖాతాను సురక్షితంగా (Gmail accounts secure) ఉంచుకోవడానికి పలు సూచనలు ఇచ్చింది. వినియోగదారులు తమ ఖాతాకు 2 స్టెప్​ వెరిఫికేషన్​ను ఎనబుల్​ చేయడంతో పాటు పాస్​కీలను యాడ్​ చేయాలని పలు సూచనలు చేసింది. సైబర్​ దాడులు, ఫిషింగ్​ నుంచి రక్షణ కోసం వీటిని పాటించాలని పేర్కొంది. తక్షణమే ఈ చర్యలు తీసుకోవాలని గూగుల్ కోరింది. మరో 15 నుంచి 30 రోజుల్లో సమయం ఇచ్చింది.

Gmail | 2-స్టెప్ వెరిఫికేషన్ ఎలా చేసుకోవాలంటే..

టూ స్టెప్​ వెరిఫికేషన్​ అనే మీ జీ మెయిల్​ ఖాతాకు (Gmail account) అదనపు భద్రతను కల్పిస్తుంది. మీరు మీ పాస్‌వర్డ్‌తో పాటు, మీ ఫోన్‌కు వచ్చే కోడ్ లేదా Google ప్రాంప్ట్‌ని ఉపయోగించి లాగిన్ అవ్వాల్సి ఉంటుంది. కాగా.. 2–స్టెప్​ వెరిఫికేషన్​ యాక్టివేట్​ చేసుకోకపోతే తమ జీమెయిల్​ ఖాతాలకు యాక్సెస్​ కోల్పోయే అవకాశం ఉంది. కాగా.. ఇటీవల గూగుల్​, ఆపిల్​, ఫేస్​బుక్​ లాంటి ప్లాట్​ఫాంలకు సంబంధించిన 16 బిలియన్లకు పైగా పాస్​వర్డ్​లు లీక్​ అయ్యాయనే వార్తలు వచ్చాయి.

Gmail | పాస్​కీలు ఎందుకంటే..

పాస్‌కీలు (Passkeys) సాంప్రదాయ పాస్‌వర్డ్‌లకు ప్రత్యామ్నాయంగా ఉంటాయి. ఇవి మీ వేలిముద్ర, ముఖ గుర్తింపు లేదా పిన్ ద్వారా మీ ఖాతాలో సురక్షితంగా లాగిన్ కావడానికి మిమ్మల్ని అనుమతిస్తాయి. ఇవి ఫిషింగ్​ను నుంచి ఈ ఖాతాలను కాపాడతాయి.

Gmail | గూగుల్ ప్రాంప్ట్

మీరు ఖాతాలో లాగిన్​ కావడానికి ఎస్​ఎంఎస్​ ఆధారిత ధ్రువీకరణకు బదులు, గూగుల్​ ప్రాంప్ట్‌ను (Google Prompt) ఉపయోగించడం మరింత సురక్షితం. మీ ఫోన్‌కు వచ్చే నోటిఫికేషన్‌ ద్వారా లాగిన్‌ని ఆమోదించమని అడుగుతుంది.

Gmail | ఎందుకోసం అంటే..

సైబర్ నేరగాళ్లు (Cyber criminals) ఇటీవల జీమెయిల్​ ఖాతాలను హ్యాక్ చేయడానికి ప్రయత్నాలు చేస్తున్నారు. అంతేకాకుండా ఫిషింగ్ దాడులు, మాల్వేర్ తదితర రకాల పద్ధతులు ఉపయోగిస్తున్నారు. అందువల్లనే గూగుల్​ వినియోగదారుల ఖాతాల రక్షణ కోసం పై సూచనలు చేసింది.