అక్షరటుడే, బిచ్కుంద: Bichkunda | బిచ్కుంద మండల కేంద్రంలో ఇటీవల బట్టల వ్యాపారి (Cloth merchant) హత్యాయత్నం కేసులో నిందితులను అరెస్ట్ చేసి రిమాండ్​కు తరలించినట్టు ఎస్సై మోహన్ రెడ్డి తెలిపారు. ఆయన తెలిపిన వివరాల ప్రకారం.. బిచ్కుందకు చెందిన షేక్ ఖలీల్​కు అతని బంధువైన అమన్, అతని కుటుంబ సభ్యులకు బిచ్కుందలోని స్థలం విషయమై వివాదం నెలకొంది.

ఈ క్రమంలో షేక్ ఖలీల్ ను హత్య చేసి స్థలం కబ్జా చేయాలనుకున్నాడు. ఈ మేరకు అమన్, అతని కుటుంబ సభ్యులు నాందేడ్ ప్రాంతానికి చెందిన ముబీన్, రితేష్, వైభవ్, సుశాంత్ కు సుపారి ఇచ్చాడు. దీంతో వారు ఈనెల 15 న సాయంత్రం ముబీన్ ముగ్గురితో కలిసి ఖలీల్​ను చాకుతో పొడిచి పారిపోయాడు. బాధితుడి ఫిర్యాదు మేరకు కేసు. నమోదు చేసి దర్యాప్తు చేపట్టారు. శనివారం ముబీన్, రితేష్, వైభవ్, సుశాంత్ ను అరెస్ట్ చేసి రిమాండ్ కు తరలించినట్టు పేర్కొన్నారు.