అక్షరటుడే, న్యూఢిల్లీ: Education System : ప్రస్తుత పాఠశాల విద్యా వ్యవస్థలోని నెలకొన్న లోపాలను పరిశీలించడానికి విద్యా మంత్రిత్వ శాఖ (Ministry of Education – MoE) తొమ్మిది మంది సభ్యుల ప్యానెల్ను ఏర్పాటు చేసింది. విద్యార్థులు కోచింగ్ సెంటర్లపై ఆధారపడటానికి దారితీసే పరిస్థితులను ఈ ప్యానెల్ సమీక్షిస్తుందని ఓ అధికారి శుక్రవారం తెలిపారు.
‘డమ్మీ స్కూల్స్’ ఆవిర్భావం వెనుక గల కారణాలను, అధికారిక పాఠశాల విద్య కంటే పూర్తి సమయం కోచింగ్ను ప్రోత్సహించడంలో వాటి పాత్రను ఉన్నత విద్య కార్యదర్శి వినీత్ జోషి (Higher Education Secretary Vineet Joshi) నేతృత్వంలోని ప్యానెల్ అధ్యయనం చేస్తుంది. విద్యార్థులు కోచింగ్ కేంద్రాల(coaching centres)పై ఆధారపడటాన్ని తగ్గించడానికి చేపట్టాల్సిన చర్యలను సూచిస్తుంది.
Education System : సమస్యలను గుర్తించడానికి..
విద్యార్థులు అసలు కోచింగ్ సెంటర్లపై ఎందుకు ఆధారపడుతున్నారనే అంశంపై ఈ ప్యానెల్ పరిశీలించనుంది. విద్యావ్యవస్థలో ఉన్న లోపాలపై దృష్టి సారించనుంది. “విద్యార్థులు కోచింగ్ కేంద్రాలపై ఆధారపడటానికి దోహదపడే ప్రస్తుత పాఠశాల విద్యా వ్యవస్థలోని లోపాలను కమిటీ పరిశీలిస్తుంది.. ముఖ్యంగా విమర్శనాత్మక ఆలోచన, తార్కికం, విశ్లేషణాత్మక నైపుణ్యాలు, ఆవిష్కరణలపై పరిమిత దృష్టి బట్టీ అభ్యసన పద్ధతుల ప్రాబల్యంపై దృష్టి సారించనుంది..” అని విద్యా మంత్రిత్వ శాఖ సీనియర్ అధికారి ఒకరు వివరించారు.
‘డమ్మీ స్కూల్స్’ ఆవిర్భావం వెనుక గల కారణాలను పరిశీలించడంతో పాటు పాఠశాల విద్య ఖర్చుతో పూర్తి సమయం కోచింగ్ను ప్రోత్సహించడంలో వారి పాత్రను ప్యానెల్ అధ్యయనం చేస్తుందని తెలిపారు. కోచింగ్ సెంటర్ల ప్రాబల్యం తగ్గించడానికి మార్గాలను సూచిస్తుందని చెప్పారు.
Education System : నిర్మాణాత్మక అంచనాలతో..
“పాఠశాల(school), ఉన్నత విద్యా(higher education) స్థాయిలలో నిర్మాణాత్మక అంచనాల పాత్ర, ప్రభావాన్ని అంచనా వేయాలి. వాటి గైర్హాజరీ విద్యార్థుల భావనాత్మక అవగాహన, పోటీ పరీక్షలకు సంసిద్ధతను ఎలా ప్రభావితం చేస్తుందో కూడా ప్యానెల్ విశ్లేషిస్తుంది. నాణ్యమైన ఉన్నత విద్య కోసం పెరుగుతున్న డిమాండ్, ప్రముఖ సంస్థలలో సీట్ల పరిమిత లభ్యత, అసమతుల్యత విద్యార్థులను కోచింగ్ సంస్థల వైపు ఎలా నడిపిస్తుందో కూడా ప్యానెల్ విశ్లేషిస్తుంది” అని సదరు అధికారి వివరించారు.
మల్టీ కెరీర్ మార్గాల గురించి విద్యార్థులు, తల్లిదండ్రుల్లో అవగాహన స్థాయిలను అంచనా వేయడం.. కొన్ని ఉన్నత సంస్థలపై అతిగా ఆధారపడటంపై ఈ అవగాహన లేకపోవడం, పాఠశాలలు, కళాశాలలలో కెరీర్ కౌన్సెలింగ్ (counselling) సేవల లభ్యత ప్రభావాన్ని అంచనా వేయడం, విద్యావ్యవస్థను బలోపేతం చేయడానికి చేపట్టాల్సిన చర్యలను కమిటీ నివేదిస్తుందని చెప్పారు.