అక్షరటుడే, ఇందూరు: Yoga Day | నగరంలోని ఎమ్మెల్యే క్యాంప్ కార్యాలయంలో ఎమ్మెల్యే ధన్పాల్ సూర్యనారాయణ గుప్తాను (MLA Dhanpal Suryanarayana Gupta) జిల్లా ఆయుష్ (AYUSH Department) అధికారులు మర్యాదపూర్వకంగా కలిశారు. జూన్ 21న జరుగనున్న అంతర్జాతీయ యోగా దినోత్సవానికి (International Yoga Day) రావాలని కోరారు. ఈ మేరకు జిల్లా ఆయూష్ నోడల్ అధికారి గంగాదాస్ ఎమ్మెల్యేకు ఆహ్వాన పత్రం అందజేశారు.
అనంతరం ఎమ్మెల్యే మాట్లాడుతూ.. యోగా సాధన ద్వారా మనిషి ఆరోగ్యంగా ఉంటారని పేర్కొన్నారు. యోగా డే నిర్వహణకు తన పూర్తి సహకారాన్ని అందజేస్తానని ఆయన స్పష్టం చేశారు. కార్యక్రమంలో జిల్లా యోగా అసోసియేషన్ ప్రతినిధులు యోగా రాంచందర్, సంగీత, తిరుపతి, డీపీఎం వందన, ఆయూష్ ఫార్మసిస్ట్ పురుషోత్తం తదితరులు పాల్గొన్నారు.