అక్షరటుడే, ఇందూరు: Nizamabad City | నగరంలో చెత్త సేకరణలో భాగంగా విధులు నిర్వహిస్తున్న మున్సిపల్​ సిబ్బంది నిజాయితీ చాటారు. ఓ మహిళకు చెందిన బంగారు గొలుసును భద్రంగా ఆమె చెంతకు చేర్చారు. వివరాల్లోకి వెళ్తే.. నగరంలోని జోన్​–2 పరిధిలోని 24వ డివిజన్​లో ఉదయం చెత్త సేకరణలో నిమగ్నమైన ట్రాక్టర్​ డ్రైవర్​ ఇమామ్​, జవాన్​ కుమార్​లకు రెండు తులాల బంగారు గొలుసు దొరికింది.

అనంతరం కొద్దిసేపటికి గాయత్రినగర్​కు (Gayatri nagar) చెందిన పద్మాగౌడ్​ అనే మహిళ గొలుసు పోయిందని మున్సిపల్​ సిబ్బందిని సంప్రదించింది. దీంతో విచారణ అనంతరం ఆమెకు వారు బంగారు గొలుసును అందజేశారు. ఈ సందర్భంగా సిబ్బంది ఇమామ్​, జవాన్​ కుమార్​ను కార్పొరేషన్​ కమిషనర్​ దిలీప్​కుమార్​ ఘనంగా సన్మానించారు. ప్రజలు చెత్తవేసే సమయంలో జాగ్రత్తగా ఉండాలన్నారు. తమ సిబ్బంది నిజాయితీ నిబద్దతతో పనిచేస్తున్నారని ఆయన చెప్పారు.

పోగొట్టుకున్న గొలుసును మహిళ పద్మాగౌడ్​కు అందజేస్తున్న మున్సిపల్​ సిబ్బంది