అక్షరటుడే, వెబ్​డెస్క్: Rahul dev | బాలీవుడ్ విలన్ రాహుల్ దేవ్(Rahul Dev) తెలుగు సినీ ప్రేక్ష‌కుల‌కు చాలా సుప‌రిచితం. ఆయ‌న తెలుగులో అతడు, సింహాద్రి, మున్నా, పౌర్ణమి సినిమాలతో మంచి గుర్తింపు తెచ్చుకున్నారు. ఇక ఇప్పుడు బాలీవుడ్ లో వరుస సినిమాలతో బిజీగా మారాడు. ఇక రాహుల్ దేవ్ తమ్ముడు ముకుల్ దేవ్(Mukul Dev) కూడా విలన్​గా చాలా సినిమాల్లో నటించాడు. కృష్ణ సినిమా ముకుల్​కు మంచి గుర్తింపు తీసుకొచ్చి పెట్టాయి. అయితే ఈ మ‌ధ్యే ముకుల్ అనారోగ్య సమస్యలతో మృతి చెందాడు. అత‌ని మ‌ర‌ణం సినీప్రియులను దిగ్భ్రాంతికి గురి చేసింది.

Rahul dev | ఇది అస‌లు కార‌ణం..

అయితే ముకుల్ దేవ్ హ‌ఠాన్మర‌ణానికి డిప్రెషన్ (Depression) కారణమని, అతడి ఆరోగ్యం పూర్తిగా పాడైపోయిందని, సరిగ్గా ఫిట్ కూడా లేడని వార్తలు వచ్చాయి. దీనిపై రాహుల్ దేవ్ ఒక ఆంగ్ల మీడియాకు ఇచ్చిన ఇంటర్వ్యూలో ముకుల్ దేవ్ మరణం గురించి మాట్లాడాడు. ముకుల్ దేవ్ డిప్రెషన్‌తో చనిపోయాడన్న వార్తల్లో నిజం లేదని, కొన్నేళ్లుగా సరైన ఆహారపు అలవాట్లు పాటించకపోవడమే ఆయన మరణానికి ప్రధాన కారణమని రాహుల్ దేవ్ స్పష్టం చేశారు. ముకుల్ వారం రోజులకు పైగా ఐసీయూలో చికిత్స పొందాడు. సరైన ఆహారపు అలవాట్లు లేకపోవడం వల్లే ఆయన ఆరోగ్యం క్షీణించిందని వైద్యులు నిర్ధారించారు. ఆస్పత్రిలో చేరిన తర్వాత పూర్తిగా తినడం మానేశాడు.

దీనికి తోడు, కొంతకాలంగా తీవ్రమైన ఒంటరితనంతో కూడా బాధపడుతున్నాడు. సినిమా అవకాశాలు వస్తున్నప్పటికీ, వాటన్నింటినీ తిరస్కరించాడు అని తెలిపారు. సరైన ఫుడ్(Food) తినకపోవడంతోనే అతను అనారోగ్యానికి గురయ్యాడని డాక్టర్లు తెలిపారు. కానీ, ముకుల్ మరణం గురించి బయట చాలా వార్తలు వచ్చాయి. అతడి గురించి ఆరోపణలు చేస్తున్నవారు ఎప్పుడైనా హాస్పిటల్​కు వచ్చి అతడిని పరామర్శించారా.. ? నా తమ్ముడు ఎప్పుడు ఒంటరిగా ఉండడానికే ఇష్టపడేవాడు. తన ఆరోగ్యంపై శ్రద్ద చూపకపోవడంతోనే మరణించాడు” అంటూ చెప్పుకొచ్చాడు. 1970 సెప్టెంబర్ 17న న్యూఢిల్లీలో జన్మించిన ముకుల్ దేవ్ 1996లో ‘ముమ్కిన్’ అనే టీవీ సీరీస్‌తో తన సినీ ప్రయాణాన్ని ప్రారంభించారు. అదే ఏడాది ‘దస్తక్’ సినిమాతో బాలీవుడ్‌(Bollywood)లోకి అడుగుపెట్టారు. అక్కడ సుష్మితా సేన్‌తో స్క్రీన్ షేర్ చేశారు. అప్పటి నుంచి ఆయన వెనక్కి తిరిగి చూసుకోలేదు. బ్యాక్ టు బ్యాక్ సినిమాలతో బిజీ బిజీగా మారిపోయాడు.