అక్షరటుడే, వెబ్​డెస్క్: Hyderabad | వానాకాలం వచ్చిందంటే హైదరాబాద్ (Hyderabad city)​ నగరంలో పలు ప్రాంతాల ప్రజలు ప్రాణాలు అరచేతిలో పెట్టుకొని జీవిస్తారు. చిన్నపాటి వర్షం పడినా నగరంలోని చాలా కాలనీలు నీట మునుగుతాయి. వరద నీరు సాఫీగా వెళ్లే మార్గం లేక ఈ సమస్య ఏటా తలెత్తుతూనే ఉంది. అయినా అధికారులు, ప్రజాప్రతినిధులు పట్టించుకోవడం లేదు.

ఏళ్లుగా తమ కాలనీలో నాలా సమస్యతో ఇబ్బంది పడుతున్నామని చెప్పినా పట్టించుకోవడం లేదని ఎంఐఎం ఎమ్మెల్యే(MIM MLA)పై శుక్రవారం ప్రజలు తిరగబడ్డారు. ఈ క్రమంలో కాసేపు తీవ్ర ఉద్రిక్తత చోటు చేసుకుంది. హైదరాబాద్​ నగరంలోని యాకుత్‌పుర (Yakutpura) పరిధిలో నాలా సమస్యతో ప్రజలు ఇబ్బందులు పడుతున్నారు. దీనిపై ఎన్నిసార్లు విన్నవించినా నాంపల్లి ఎమ్మెల్యే జాఫర్​ హుస్సేన్ (Nampally MLA Jafar Hussain)​ పట్టించుకోవడం లేదని స్థానికులు ఆరోపించారు.

Hyderabad | పరిశీలన కోసం వెళ్తే..

కాగా.. గురువారం కురిసిన వర్షానికి నాలా సమీపంలోని ఇళ్లలోకి వరద వచ్చింది. దీంతో పరిశీలించడానికి వచ్చిన ఎమ్మెల్యేను ప్రజలు నిలదీశారు. నాలా సమస్య పరిష్కరిస్తానంటూ కాలయాపన చేస్తున్నారని ఎమ్మెల్యేను ప్రశ్నించారు. ఆయనపై తిరగబడ్డారు. ఈ క్రమంలో అడ్డొచ్చిన ఎమ్మెల్యే అనుచరులను స్థానికులు చితకబాదారు. వానాకాలం వచ్చినా కూడా నాలా పనులు చేయడం లేదని, దీంతో ఇబ్బంది పడుతున్నామని ఆగ్రహం వ్యక్తం స్థానికులు ఆగ్రహం వ్యక్తం చేశారు. ఇందుకు సంబంధించిన వీడియో సోషల్ మీడియాలో వైరల్ అయ్యింది.