అక్షరటుడే, వెబ్డెస్క్: Kota Srinivasa rao | టాలీవుడ్ ఇండ‌స్ట్రీలో రావు గోపాల రావు తర్వాత తెలుగు విలనిజానికి కేరాఫ్ అడ్రెస్‌గా మారారు కోట శ్రీనివాసరావు. నటుడిగా(Actor) ఏడు వందల పైచిలుకు చిత్రాల్లో విభిన్నమైన పాత్రల్లో న‌టించిన కోట(Kota Srinivasa rao) కృష్ణా జిల్లా కంకిపాడుకు చెందిన కోట 1947, జులై 10న జన్మించారు. బాల్యం నుంచి కోటకు నాటకాలంటే చాలా ఆసక్తి ఉండేది. సినిమాల్లో రాకముందు ఈయన స్టేట్ బ్యాంకులో పనిచేసేవాడు. తెలుగు, త‌మిళం, హిందీ, మ‌ల‌యాళం ఇలా ప‌లు భాష‌ల‌లో న‌టించి మెప్పించాడు కోట. నటుడిగానే కాకుండా, 1999 నుండి 2004 వరకు ఆంధ్రప్రదేశ్‌లోని (Andhra pradesh) విజయవాడ తూర్పు (Vijayawada East) నుండి ఎమ్మెల్యేగా కూడా సేవలు అందించారు.
Kota Srinivasa rao | ఇలా అయిపోయారు..
నటనపై ఉన్న ప్రేమతో బ్యాంకు ఉద్యోగాన్ని వదిలి సినిమా రంగంలోకి(film industry) వచ్చారు. ఆయన ప్రదర్శించిన తెలంగాణ యాస ఆయనకు గొప్ప పేరు ప్రఖ్యాతులు తెచ్చిపెట్టింది. ఆయన నటన, సంభాషణలు, హావభావాలు తెలుగు ప్రేక్షకుల మనసుల్లో చెరగని ముద్ర వేశాయి. విలన్గా భయపెట్టాలన్నా.. కామెడీ(Comedy)తో నవ్వించాలన్నా.. ఎమోషన్స్తో ఏడిపించాలన్నా.. ఆయనకు ఆయనే సాటి. తెలుగులో తనకంటూ ఒక ప్రత్యేకమైన స్థానాన్ని సంపాదించుకున్నారు కోట శ్రీనివాసరావు (Kota Srinivasa rao). వ‌యోభారం వ‌ల‌న ప్రస్తుతం ఇంటికే పరిమితమయ్యారు. వయో వృద్ధాప్య సమస్యలతో ఆయన పోరాడుతున్నట్లు తెలుస్తోంది.
అయితే కోట‌ని తాజాగా ప్ర‌ముఖ నిర్మాత బండ్ల గ‌ణేశ్ క‌లిశారు. ఆయ‌న‌తో క‌లిసి దిగిన ఫొటోలను బండ్ల త‌న సోష‌ల్ మీడియాలో(Social media) షేర్ చేశారు. ఇవి ఆందోళన క‌లిగించాయి. బండ్ల గణేష్(Bandla Ganesh) “కోట బాబాయ్ని కలవడం ఎంతో సంతోషాన్ని ఇచ్చింది” అంటూ ఆ ఫొటోలను పంచుకున్నప్పటికీ, ఆ చిత్రాలలో కోట శ్రీనివాసరావు పరిస్థితి చూసి ఆయన అభిమానులు తీవ్ర భావోద్వేగానికి గురవుతున్నారు. ఆయన ఎడమ కాలికి తీవ్రమైన గాయం ఉండడం ఆందోళన కలిగిస్తోంది. కోట శ్రీనివాసరావు అభిమానులు ఆయన త్వరగా కోలుకోవాలని ప్రార్థిస్తున్నారు. చాలా స‌న్న‌గా గుర్తు ప‌ట్ట‌లేనంత‌గా కోట మారారు. ఆయన ఆరోగ్యం రోజురోజుకి క్షీణిస్తున్న‌ట్టు తెలుస్తోంది. కోట త్వరగా కోలుకోవాలని ఆయన అభిమానులు ప్రార్థిస్తున్నారు.