అక్షరటుడే, వెబ్డెస్క్:ACB Raids | తెలంగాణ(Telangana)లో ఏసీబీ అధికారుల దాడులు మరోసారి కలకలం రేపాయి. బుధవారం ఉదయం ఏసీబీ అధికారులు నీటిపారుదల శాఖ ఎగ్జిక్యూటివ్ఇంజనీర్ (Irrigation Department Executive Engineer) ఇంట్లో దాడులు చేపట్టారు. ఆదాయనికి మించి ఆస్తులు కలిగి ఉన్నారనే ఆరోపణలతో ఏకకాలంలో 12 చోట్ల దాడులు చేస్తున్నారు.
ACB Raids | ఏకకాలంలో అధికారుల సోదాలు
కరీంనగర్ జిల్లా చొప్పదండి ఎస్సారెస్పీ క్యాంపు కార్యాలయం(SRSP Camp Office)లో ఈఈగా నూనె శ్రీధర్ పని చేస్తున్నాడు. గతంలో కాళేశ్వరం ప్రాజెక్ట్ నిర్వహణలో సైతం ఆయన పని చేశారు. అయితే శ్రీధర్ భారీగా అక్రమాస్తులు కూడబెట్టినట్లు ఏసీబీ(ACB)కి సమాచారం అందింది. దీంతో బుధవారం ఉదయం ఏసీబీ అధికారులు (ACB Officers) ఆయన ఇళ్లపై దాడులు చేశారు.
నూనె శ్రీధర్కు సంబంధించి హైదరాబాద్, కరీంనగర్, సిద్దిపేటలోని 12 ప్రాంతాల్లో ఏసీబీ అధికారులు తనిఖీలు చేస్తున్నారు. గతంలో ఈయన కాళేశ్వరం ప్రాజెక్ట్(Kaleshwaram Project)లో 6, 7, 8 ప్యాకేజీ పనులను పర్యవేక్షించారు. ప్రస్తుతం ఇరిగేషన్ ఇంజినీర్ల సంఘం అధ్యక్షుడిగా కొనసాగుతున్న శ్రీధర్ భారీగా కూడబెట్టినట్లు ఆరోపణలు ఉన్నాయి. దీంతో ఆదాయానికి మించిన ఆస్తులకు సంబంధించ ఏసీబీ దాడులు చేపట్టింది. ఆయనను అదుపులోకి తీసుకొని విచారిస్తోంది.