అక్షరటుడే, నిజాంసాగర్​: Singitham Reservoir | రెండుమూడు రోజులుగా కురుస్తున్న వర్షాలకు చెరువులు, వాగుల్లోకి క్రమంగా నీటి ప్రవాహం పెరుగుతోంది. మహమ్మద్​నగర్ (Mahammad nagar)​ మండలంలోని సింగితం రిజర్వాయర్​లోకి వరద వచ్చి చేరుతోంది. దీంతో పాటుగా నిజాంసాగర్​ ప్రాజెక్ట్​లోకి (Nizamsagar Project) కూడా ఎగువ నుంచి నీటి ప్రవాహం కొనసాగుతోంది. బుధవారం 581 క్యూసెక్కుల నీరు నిజాంసాగర్​లోకి వచ్చింది. మరికొన్ని రోజుల్లోనే ప్రాజెక్ట్​లు జలకళను సంతరించుకోనున్నాయి.