అక్షరటుడే, ఇందూరు: Ration Cards | జిల్లాలో మూడునెలల రేషన్​కోటాను ఒకేసారి పంపిణీ చేయనున్నట్లు కలెక్టర్​ రాజీవ్​గాంధీ హనుమంతు (Collector Rajiv Gandhi Hanumanthu) పేర్కొన్నారు. ఈ మేరకు శనివారం ప్రకటన విడుదల చేశారు. జూన్​, జూలై, ఆగస్టు నెలలకు సంబంధించి రేషన్​కార్డు లబ్ధిదారులు ఒకేసారి రేషన్​ బియ్యంను పొందవచ్చని సూచించారు. అకాల వర్షాలు, వరదలు, గోదాముల్లో నిల్వ సమస్యలను దృష్టిలో ఉంచుకుని మూణ్నెళ్ల రేషన్​ను ఒకేసారి అందజేస్తున్నామన్నారు. అయితే ఎక్కడా అవకతవకలు జరగకుండా పౌరసరఫరాల శాఖాధికారులు (Civil Supplies Department) పర్యవేక్షణ చేయాలని ఆదేశించారు.