అక్షరటుడే, ఆర్మూర్: Paddy Centers | తడిసిన ధాన్యాన్ని తక్షణమే కొనుగోలు చేయాలని రైతులు డిమాండ్​ చేశారు. ఈ మేరకు ఆర్మూర్​ మున్సిపల్ (Armoor municipality) ​పరిధిలోని మామిడిపల్లి చౌరస్తాలో శుక్రవారం మొలకెత్తిన ధాన్యంతో రాస్తారోకో చేశారు. జాతీయ రహదారిపై భైఠాయించారు. అనంతరం మాట్లాడుతూ అకాల వర్షాల కారణంగా కొనుగోలు కేంద్రాల్లో ధాన్యం తడిసిపోయిందన్నారు. అధికారులు తక్షణమే ధాన్యాన్ని కొనకపోతే ఆందోళనను మరింత ఉధృతం చేస్తామని హెచ్చరించారు.