అక్షరటుడే, వెబ్డెస్క్: Miss World 2025 | మిస్ వరల్డ్ పోటీలు(Miss World competitions) హైదరాబాద్ వేదికగా ఘనంగా కొనసాగుతున్నాయి. ఈ పోటీల్లో భాగంగా శనివారం వివిధ దేశాల పోటీదారులు దేవర సినిమాలోని పాటకు డ్యాన్స్ చేశారు. ఎన్టీఆర్ హీరోగా తెరకెక్కిన దేవర సినిమా భారీ విజయాన్ని సాధించిన విషయం తెలిసిందే. ఈ సినిమాలోని పాటలకు కూడా మంచి రెస్పాన్స్ వచ్చింది. ఈ క్రమంలో శనివారం గచ్చిబౌలి స్టేడియం(Gachibowli Stadium)లో దేవర సినిమాలోని ఆయుధపూజ పాటకు సుందరీమణులు స్టెప్పులేసి అదరగొట్టారు.
Miss World 2025 | ఘనంగా స్పోర్ట్స్ డే ఈవెంట్
మిస్ వరల్డ్ పోటీల్లో భాగంగా నిత్యం వివిధ రకాల ఈవెంట్లు నిర్వహిస్తున్నారు. ఇప్పటికే ఆయా దేశాల అందగత్తెలకు తెలంగాణ చరిత్ర తెలిసేలా పలు ప్రదేశాలకు తీసుకెళ్లారు. హైదరాబాద్లోని చార్మినార్ వద్ద హెరిటేజ్ వాక్(Heritage Walk) చేపట్టారు. అనంతరం వరంగల్లోని వేయి స్తంభాల గుడి, కాకతీయుల కోట, రామప్ప ఆలయం, బుద్ధవనం, యాదగిరిగుట్టను మిస్ వరల్డ్ పోటీదారులు సందర్శించారు. శనివారం హైదరాబాద్లోని గచ్చిబౌలి స్టేడియంలో ప్రపంచ సుందరి కిరీటం కోసం పోటీ పడుతున్న వారికి స్పోర్ట్స్ డే ఈవెంట్(Sports Day Event) నిర్వహించారు. క్రీడా జ్యోతితో మంత్రి జూపల్లి కృష్ణారావు(Minister Jupally Krishna Rao) ఈ వేడుకలను ప్రారంభించారు.
https://www.instagram.com/reel/DJv_Z_rIVK_/?utm_source=ig_web_copy_link&igsh=MzRlODBiNWFlZA==