అక్షరటుడే, వెబ్డెస్క్ : Swarail | ఐఆర్‌సీటీసీ(IRCTC) ప్ర‌యాణికుల కోసం మరో కొత్త యాప్‌ను తీసుకొచ్చింది. ‘స్వారైల్’ (Swarail app) అనే కొత్త టికెట్ బుకింగ్ యాప్‌ను ప్రవేశపెట్టింది. ఇది Android, iOS వినియోగదారులకు అందుబాటులో ఉంది.
రైలు ప్రయాణ ప్రణాళిక, ప్రత్యక్ష రైలు ట్రాకింగ్, ఫుడ్ ఆర్డరింగ్‌తో అనేక సేవలను ఆ యాప్ ద్వారా పొంద‌వ‌చ్చు. ఈ యాప్‌ను భారతదేశంలో సెంటర్ ఫర్ రైల్వే ఇన్ఫర్మేషన్ సిస్టమ్స్ (CRIS) అభివృద్ధి చేసింది. SwaRail యాప్.. భారతీయ రైల్వే సేవలను ఒకే డిజిటల్ ప్లాట్‌ఫామ్‌పైకి తీసుకొచ్చింది. ఇది ప్రస్తుతం ముందస్తు యాక్సెస్‌లో ఉన్నప్పటికీ, వినియోగదారులు రైలు టిక్కెట్లను బుక్ చేసుకోవడానికి ఇప్పటికే ఉన్న IRCTC యాప్‌ను ఉపయోగించవచ్చు.
Swarail | టిక్కెట్లను ఎలా బుక్ చేసుకోవాలంటే..
ముందుగా SwaRail యాప్‌ను డౌన్‌లోడ్ చేసుకోవాలి. మీ IRCTC యూజ‌ర్ నేమ్‌, పాస్‌వర్డ్‌ను ఎంటర్ చేసి లాగిన్ కావాలి. హోమ్ స్క్రీన్‌లో ‘జర్నీ ప్లానర్’ పై క్లిక్ చేసి ‘రిజర్వ్డ్’ ఆప్షన్‌ను ఎంచుకోవాలి. ఆ త‌ర్వాత మీరు వెళ్లే గ‌మ్య స్థానం, తేదీ ఎంటర్ చేయండి. మీ ప్రయాణ తేదీ, తరగతి, కోటాను నమోదు చేసి, మీరు వెళ్లాల్సిన స్టేషన్ కోసం సెర్చ్ చేయండి. అందుబాటులో ఉన్న రైళ్లు స్క్రీన్‌పై క‌నిపిస్తాయి.
మీకు నచ్చినదాన్ని సెల‌క్ట్ చేసుకుని, మీరు ప్రయాణించాలనుకుంటున్న కోచ్ తరగతిని ఎంచుకోండి. బోర్డింగ్ స్టేషన్‌తో పాటు ఎంత మంది వెళ్తున్నారో వారి వివరాలను నమోదు చేయాలి. ఫైన‌ల్గా ‘జర్నీ వివరాలను సమీక్షించండి’పై క్లిక్ చేయాలి. తదుపరి స్క్రీన్‌లో, రైలు వివరాలు, ప్రయాణ సమయం, చార్జీలను తనిఖీ చేయాలి. ఆ త‌ర్వాత కాావాల్సిన సమాచారన్ని టైప్ చేసి క్యాప్చాను ఎంటర్ చేయాలి. ఆ వెంట‌నే మరో స్క్రీన్ ఓపెన్ అవుతుంది. అక్క‌డ UPI, కార్డ్, నెట్-బ్యాంకింగ్ లేదా R-వాలెట్ ద్వారా డబ్బు చెల్లించాల్సి ఉంటుంది. ఆ వెంట‌నే మీకు బుకింగ్ క‌న్ఫ‌ర్మేష‌న్ వ‌స్తుంది.