అక్షరటుడే, వెబ్డెస్క్:Rythu Bharosa | వానాకాలం సాగుకు సిద్ధం అవుతున్న రైతులకు (Farmers) ప్రభుత్వం గుడ్న్యూస్ చెప్పింది. త్వరతో రైతు భరోసా (Rythu Bharosa) జమ చేయడానికి సిద్ధం అవుతోంది. ఈ మేరకు మంత్రి తుమ్మల నాగేశ్వర రావు (Minister Tummala Nageswara Rao) కీలక ప్రకటన చేశారు. ఈ నెల 25లోపు రైతు భరోసా విడుదల చేస్తామని ఆయన తెలిపారు. అయితే ఈ నెల 16 నుంచి రైతు భరోసా విడుదలకు ప్రభుత్వం యోచిస్తున్నట్లు సమాచారం.
Rythu Bharosa | జోరుగా సాగు పనులు
ప్రస్తుతం రాష్ట్రంలో వర్షాలు సమృద్ధిగా కురుస్తున్నాయి. దీంతో రైతులు సాగు పనుల్లో బిజీగా ఉన్నారు. మరో 15 రోజుల్లో వరినాట్లు కూడా ప్రారంభం కానున్నాయి. ఈ క్రమంలో పెట్టుబడి సాయం కోసం అన్నదాతలు నిరీక్షిస్తున్నారు. ప్రభుత్వం (Government) సకాలంలో డబ్బులు విడుదల చేస్తే పెట్టుబడికి ఉపయోగపడతాయని పేర్కొంటున్నారు.
Rythu Bharosa | ముందు వారికే..
రైతు భరోసాకు నిధుల సమీకరణ కోసం ప్రభుత్వం ప్రయత్నాలు చేస్తోంది. ఇప్పటికే ఆర్బీఐ నుంచి అప్పు తీసుకున్న ప్రభుత్వం.. మరో రూ.మూడు వేల కోసం ఇండెంట్ పెట్టింది. ఈ క్రమంలో రైతు భరోసా జమ చేయడానికి ఆర్థిక శాఖ (Finance Department) సిద్ధం అవుతున్నట్లు సమాచారం. ముందుగా ఎకరాలోపు రైతులకు నిధులు జమ చేయనున్నారు. అనంతరం రెండు, మూడు ఎకరాలలోపు రైతులకు విడతల వారీగా రైతు భరోసా జమ చేయనున్నారు.
Rythu Bharosa | వారి పరిస్థితి ఏమిటి?
ప్రభుత్వం యాసంగి సీజన్లో రైతు బంధును రైతు భరోసాగా మార్చింది. ఎకరాకు గతంలో రూ.5వేలు ఇస్తుండగా రూ.ఆరు వేలకు పెంచింది. అయితే యాసంగి సీజన్లో నాలుగు ఎకరాల్లోపు రైతులకు మాత్రమే రైతు భరోసా జమ అయింది. మిగతా వారికి నిధులు జమ చేయలేదు. యాసంగి సీజన్లో 57 లక్షల రైతులకు 84 లక్షల ఎకరాలకు సంబంధించి రూ.5,058 కోట్లను పంపిణీ చేసింది. బీఆర్ఎస్ హయాంలో ఎకరాకు రూ.5 వేల చొప్పున సీజన్కు రూ.7,500 కోట్లు రైతుబంధు ఇచ్చేవారు. కాంగ్రెస్ మాత్రం సాయాన్ని పెంచిన రూ.5,058 కోట్లు మాత్రమే రైతుల ఖాతాల్లో వేసింది. దీంతో డబ్బులు జమకాని రైతులు (Farmers) ఆందోళన చెందుతున్నారు. వానాకాలం సీజన్ రైతు భరోసాకు విడుదలకు ప్రభుత్వం సిద్ధం అవుతుండటంతో ముందుగా తమకు నిధులు విడుదల చేయాలని కోరుతున్నారు.
Rythu Bharosa | కొత్త రైతులకు అవకాశం
కొత్తగా జూన్ 5లోపు పట్టాపాస్బుక్ పొందిన రైతలకు కూడా రైతు భరోసా జమ చేస్తామని ప్రభుత్వం తెలిపింది. ఇప్పటి వరకు రైతు భరోసా రాకుండా కొత్త పాస్బుక్ పొందిన వారు దరఖాస్తు చేసుకోవాలని సూచింది. దీంతో వ్యవసాయ అధికారులు వారి నుంచి దరఖాస్తులు స్వీకరిస్తున్నారు. అలాగే బ్యాంక్ అకౌంట్ మార్చుకోవాల్సిన వారు దరఖాస్తు చేసుకోవాలని అధికారులు సూచించారు. ఇప్పటికే రైతు భరోసా(Rythu Bharosa) జమ అయిన వారు దరఖాస్తులు చేయాల్సిన అవసరం లేదని స్పష్టం చేశారు.